غزنی معارف ریاستی، اوشبو ولایت اندر، ناوه و خوگیانی تومن‌لری نینگ چیکه قیشلاق‌لریده بیش مکتب قوریلیشیدن خبر بیره‌دی. مذکور مکتب‌لر قوریلیشی بیلن، اوشبو تومن‌لر نینگ یوزلب اوقووچیلری گه تعلیم شرایطی یره‌تیلگن.
غزنی معارف ریاستی نینگ تدریسی اورین باسری میر نصیراحمد حسینی نینگ سلام‌وطندار گه ایتیشیچه، اوشبو مکتب‌لر نینگ اداری ایشلری یکونلنگن و قطار کیشی‌لر اوقیتووچی صفتیده تعینلنگن.
بیزلرنینگ فیسبوک صحیفه‌میزگه باش اورینگ!
غزنی ولایتی اندر تومنی یشاوچیلریدن ظفرخان نینگ سلام‌وطندار گه ایتیشیچه، تومن‌لریده ییگیت اوقووچیلر اوچون ایکی مکتب ایجاد بولگن؛ لیکن بو مکتب‌لر نینگ بناسی یوق و اوقووچیلر اجاره اوی‌لرده تعلیم کورماقده‌‌لر.
مذکور تومن‌لر یشاوچیلری نینگ ایتیشلریچه، سابق حکومت زمانیده اوروش همده تومن‌لر خوفسیزلیک کوچلر و اسلام امیرلیگی آره‌سیده قولمه_قول بولیشی باعث، باله‌لر تعلیم دن محروم قالگندی و حاضر اسلام امیرلیگی اوشبو تومن‌لرده مکتب قوریلیشی خصوصده دقت قیلیشی کیره‌ک.
غزنی یشاوچیلریدن صفی‌الله نینگ سلام‌وطندار گه ایتیشیچه: «سابق حکومت زمانیده غزنی ولایتی نینگ کوپ سانده تومن‌لری ناتینچ ایدی، اوییرلرده اوروش بار ایدی. حاضر هم مکتب یوق و او زمان هم یوق ایدی. مکتب بولمه‌گن تومن‌لر حاضر هم کوپ دیر.»
بیزلرنینگ توییترده هم تعقیب قیلینگ!
غزنی معارف ریاستی نینگ تدریسی اورین باسری گه کوره، اوشبو مکتب‌لر نینگ بنالری قوریلیشینی معارف وزیرلیگی گه تکلیف قیلگن.
او، مؤسسه‌لردن غزنی ولایتی بویلب مکتب قوریش و بنالرینی قیته تعمیرلش ایشلری بوییچه یاردم بیریش‌لرینی طلب قیله‌دی.
ایتیش کیره‌ک که، اوتگن ایکی سنه ده غزنی ولایتی نینگ اسلام امیرلیگی حاکم بولگن قطار تومن‌لریده، شرایط گه ماس باله‌لر و اوسمیرلر، مکتب باریشدن محروم ایدیلر.