کابل امنیه قوماندان‌لیگی سوزلاوچیسی خالد زدران نینگ سلام‌وطندار گه ایتیشیچه، بوگون توش دن کیین (جمعه، ۱ میزان) کابل شهری وزیر محمداکبرخان جامع مسجدی یقینیده اویوشتیریلگن پارتلش ده، ۷ تینچ اهالی هلاک بولیب و باله‌لر شامل باشقه ۴۱ کیشی یره‌لنگن.
اونینگ کوپه‌یتیریشیچه، موترده ییرلشتیریلگن ماین تینچ اهالی مسجد دن چیقیش چاغیده پارتله‌گن. مذکور پارتلش بوگون توش دن کیین ساعت ۲:۰۰ اطرافیده تینچ اهالی اورته‌سیده یوز بیرگن.
بیزلرنینگ فیسبوک صحیفه‌میزگه باش اورینگ!
حادثه برچه قربانی‌لری تینچ اهالی و نماز اوقووچیلر دیر. کابل امنیه قوماندان‌لیگی نینگ سوزلاوچیسی اوشبو هجوم نی (انسانیت) گه قرشی دیب و اسلامی امارت خوفسیزلیک نهادلری مذکور هجوم عامللرینی قولگه آلیش مقصدیده سعی و حرکت قیله یاتگنینی بیلدیرگن.
مذکور پارتلش مسئولیتینی حاضرگچه هیچ کیم یا گروه اوز زمه‌سیگه آلمه‌گن.
وزیر محمداکبرخان جامع مسجدی یقینیده اویوشتیریلگن پارتلش گه مناسبت‌لر
کابل شهری وزیر محمداکبرخان جامع مسجدی یقینیده موتر بمب پارتلشی، ایریم مناسبت‌لر گه روپه‌ره بولگن.
اسلامی امارت سوزلاوچیسی ذبیح‌الله مجاهد، اوشبو پارتلش گه مناسبت بیلدیریب اوز توییتری ده، مسجدلر و نماز اوقووچیلر نشانگه آلینیشینی کیچیریلمس جنایت دیب یازگن. اسلامی امارت سوزلاوچیسی گه کوره: «جنایتچیلرنی یوق ایتیش اوچون ملت دولت بیلن همکار بولیش‌لری کیره‌ک.»
عین‌حالده، کابل ده امریکا ایلچیخانه‌سی بیر بیانیه ترقه‌تیب، بوگون کابل شهری وزیر محمداکبرخان جامع مسجدی یقینیده اویوشتیرگن پارتلش نی قاره‌لب و نماز اوقووچیلر نشانگه آلینیشینی کیچیریلمس دیگن.
امریکا ایلچیخانه‌سی نینگ یازیشیچه، «بوگون کابل شهری وزیر محمداکبرخان جامع مسجدی یقینیده نماز اوقووچیلر نشانگه آلینیشینی قتیق شکلده قاره له‌یدی.»
بیزلرنینگ توییترده هم تعقیب قیلینگ!
باشقه تاماندن، افغانستان ده بیرلشگن ملت‌لر تشکیلاتی نینگ اورین باسرلیک هیأت دفتری (یوناما) بیر بیانیه ترقه‌تیب فیسبوک صحیفه سیده یازیشیچه: «افغانستان ده ترورچی گروه‌لر نینگ فعالیتی و ناتینچ‌لیکلر دوام ایتر ایکن، بوگون کابل شهری مرکزی ده‌گی مسجدلردن بیری ده اویوشتیریلگن هجوم، تینچ اهالی تلفاتی گه سبب بولدی.»
افغانستان نینگ سابق جمهور باشلیغی حامد کرزی و سابق دولت ملی یره‌ش عالی کینگش باشلیغی عبدالله عبدالله، مذکورپارتلش گه مناسبت بیلدیریب و اونی قاره لشگن.
حامد کرزی بیر بیانیه ترقه‌تیب، بوگون کابل شهری وزیر محمداکبرخان جامع مسجدی یقینیده اویوشتیریلگن پارتلش نی قتیق قاره‌لب و اونی تروریستیک هجوم و اسلام قاعده‌لری و انسانیت ارزش‌لری گه قرشی دیگن.