کابل شهریده عیال‌لردن قطاری نینگ ایتیشلریچه، کیچیک یولاوچی تاشووچی موترلر نینگ ایلگری اورینی‌ده اولتیریش پیتده، ایرکک‌لر گه قره‌گنده ایکی برابر کرایه بیریش گه مجبورلر؛ بو وضعیت شهر ایچیده اولر نینگ باریب-کیلیشی نی قیین‌چیلیک بیلن روپه‌ره قیلگن.
کابل غربی‌ده حیات کیچیره‌دیگن حمیده نینگ ایتیشیچه، کونده کسلی نی کورماق اوچون کیچیک موترلرده کابل بیلیم یورتی یقینی‌ده جایلشگن علی‌آباد کسل‌خانه‌سی گه باره‌دی و بیر هفته‌ده اوچ مرته کسل‌خانه گه باریش یا-ده قیتیش چاغیده، هیداوچی گه ایکی کیشی نینگ کرایه‌سی نی بیشریش گه مجبور دیر.
اونینگ کوپه‌یتیریشیچه: «بو یول‌ده باریش-کیلیشیم جوده‌یم کوپ دیر. کونده ۱۰ افغانی اضافه بیره‌من که بیر باله‌م نینگ نان پولی بوله‌دی. اوتگن هفته اوچ مرته هم ایکی کیشی نینگ پولی نی بیردیم. ۳۰ افغانی بیریش او هم بو شرایط‌ده قیین دیر. بو دایمی بیر قیین‌چیلیک دیر.»
بیزلرنینگ فیسبوک صحیفه‌میزگه باش اورینگ!
شونینگدیک کابل شهری «تایمنی» منطقه یشاوچیسی غزال نینگ ایتیشیچه، ایکی کیشی نینگ کرایه‌سی نینگ توللش گه امکانیتی بولمه‌گنی سبب، ساعت‌لب سرک‌لرده کوتیب تورگن.
اونینگ کوپه‌یتیریشیچه: «پنجشنبه کونی شاه دوشمشیره‌دن کیلیشیم چاغیده، بیر تکسی نینگ ایلگری اورینی گه میندیم. باشقه عیال یوق دیدی و ۶۰ افغانی کرایه بیریشیم نی ایتدی. پولیم یوقلیگی سبب، موتر‌دن توشدیم. باشقه بیر ایکی عیال نینگ تاپیلیشی نی کوتیب توردیم. کوپینچه پیت انه شوو سبب، موتر‌دن توشگن‌مین.»
شونینگدیک کونده دارالامان دن کابل نینگ شهرنوی گه باره‌دیگن کابل شهری یشاوچیلریدن باشقه بیری وژمه نینگ ایتیشیچه، هیداوچیلر نینگ اضافه پول آلیشی، آی‌ده درآمدی‌دن کوپینچه‌سی نی موتر کرایه‌سی نینگ توللش گه سبب بولگن.
اونینگ کوپه‌یتیریشیچه: «عاجل ایشیم بارلیگی پیتده موتر گه مینسه‌م، ایکی کیشی نینگ کرایه‌سی نی بیریش گه مجبور‌مین؛ چونکه ایشیم بار و هیداوچی ایسه آلیب کیتمه‌یدی. بیر کیشی نینگ آلیب کیتیش هیچ امکانی یوق؛ انه شوو سبب، درآمدم‌دن بیر بولیمی یول مصرفی بوله‌دی. بو رقم بیر وضعیت درآمدی کوپ بولمه‌گن بیر قیز اوچون قیین دیر.»
اسلام امیرلیگی نینگ قدرت گه ایریشگنی‌دن کیین، هیداوچیلر ایکی عیال نی موتر نینگ ایلگری اورینی گه میندیره آلمه‌یدی و موتر نینگ ایلگری اورینی‌ده اولتیره‌دیگن عیال، ایکی کیشی نینگ کرایه‌سی نی بیریش گه مجبور دیر.
بیزلرنینگ «ایکس» ترماغی ده هم تعقیب قیلینگ!
باشقه بیر تامان‌دن، یولاوچی تاشووچی کیچیک موترلر هیداوچیلریدن قطاری نینگ ایتیشلریچه، اقتصادی قیین‌چیلیک‌لر، تیل بهاسی نینگ یوقاری‌لیگی و کوپینچه یول نی یوریش سبب، موتر نینگ ایلگری اورینی گه اولتیره‌دیگن عیال‌لردن ایکی کیشی نینگ کرایه‌سی نی آلیش گه مجبورلر.
کوته‌ی سنگی-چهارراه شهید یولی‌ده‌گی هیداوچیلردن محمدنسیم نینگ ایتیشیچه: «موتر نینگ ایلگری اورینی گه ایکی کیشی نینگ میندیریش گه رخصت بیریلمه‌یدی. بیر لیتر تیل ۸۰ افغانی دیر. بونی یانیده موتر‌ده عوارضی بار. مصرف قیله‌دیگنیمیز پول نی تاپه آلمه‌گنیمیز پیتده، قنده‌ی روزگاری‌میز نی اوتکزه‌یلیک. بو بیزلر گه قیین دیر.»
شونده‌ی بیرحالده، ملکی هوانورد‌لیک و ترانسپورت وزیرلیگی مسئوللری نینگ ایتیشلریچه، کابل شهریده یولاوچی تاشووچی موترلر هیداوچیلری گه، موتر نینگ ایلگری اورینی گه ایکی کیشی نینگ میندیریش یا-ده بیر کیشی‌دن ایکی کیشی نینگ کرایه‌سی نی آلیش گه رخصت بیریلمه‌یدی.
اوشبو وزیرلیک سوزلاوچیسی امام‌الدین احمدی نینگ سلام‌وطندار گه ایتیشیچه: «بو موضوع نی نظارت قیله‌میز. ایکی کیشی نی ایلگری اورین گه میندیرگن یا-ده ایکی کیشی نینگ کرایه‌سی نی آلگن کیشی بیلن قانونی یانده‌شیلیشی ممکن. بو کبی وضعیت بیلن روپه‌ره بولگن کیشی‌لر ترافیک پولیسی و مأمورلریمیز گه شکایت قیله آله‌دیلر.»
ملکی هوانورد‌لیک و ترانسپورت وزیرلیگی مسئوللری نینگ کوپه‌یتیریشلریچه، اوشبو وزیرلیک بیللی بیکت‌لرده معین نرخ تعیین قیلیب و بو کبی موضوع بیلن روپه‌ره بولگن کیشی‌لر ترافیک پولیسی گه تیگیشلی غرفه‌لرده شکایت‌لری نی ثبت قیله آله‌دیلر.
