بیرلشگن ملت‌لر تشکیلاتی نینگ باله‌لردن حمایت قیلووچی صندیغی (یونیسف) نینگ، بیر قطار قوشنی اولکه‌لرده افغانستان‌لیک قاچقینلر بارلیگی خصوصیده گزارشی ترقه‌لیشی بیلن، اسلام امیرلیگی حاکمیتیدن کیین قوشنی مملکت‌لر گه باش پنه ایزلب بارگن قطار قاچقینلر تیریکچیلیک احوال‌لریدن نالیب ایتیشلریچه، حتا دستلبکی حقوق‌لری ایاغ آستی بولگن.
یونیسف، اوز گزارشی ده یازیشیچه، افغانستان‌لیک سکیز میلیون ۲۰۰ مهاجر ایران، پاکستان، تاجیکستان و اوزبیکستان ده تیریکچیلیک قیلماقده‌لر، اولر نینگ بیر میلیون ۶۰۰ مینگ نفری سونگی ایکی ییل ده آواره بولیشگن.
یونیسف نینگ گزارشی ده کیلیشیچه: «افغانستان ده‌گی وضعیت، اولر نینگ مهاجر بولیش‌لری گه سبب بولگن، حاضرگی کون ده ۸.۲ میلیون افغان ایریم دلیل‌لر سبب ایران، پاکستان، تاجیکستان و اوزبیکستان ده مهاجر بولگنلر، اولر نینگ ۱.۶ میلیونی اسلام امیرلیگی حاکمیتیدن کیین آواره بولگنلر.»
بیزلرنینگ فیسبوک صحیفه‌میزگه باش اورینگ!
افغانستان ده سونگی سیاسی اوزگریش دن کیین خوفسیزلیک قیینچیلیک باعث پاکستان گه مهاجر بولگن شکریه صدیقی گه کوره، پاکستان پولیسی دن قورقیب کسل‌لرینی یشش اوی‌لریده دارو دواله‌یدیلر.
او نینگ کوپه‌یتیریشیچه: «قاچقینلر ایشله‌ی آلمه‌یدی، کسل‌لریمیزنی شفاکار گه آلیب باره آلمه‌یمیز، کسل‌لریمیزنی اوی ده دارو-دواله‌یمیز. کوپ سانده عایله اعضالریمیز بیلن بیر اوی ده تیریکچیلیک قیله‌میز.»
شونینگدیک، ایکی ییل دن بیری ایشلش اوچون ایران گه مهاجر بولگن افغان قاچقینلریدن باشقه بیری سیاف احمدی گه کوره، سونگی کون‌لرده اولر اوستیگه باسیم‌لر کوچه‌یتیریلگن.
او نینگ ایتیشیچه: «اقتصادی قیینچیلیک باعث ایشلش اوچون ایران گه مهاجر بولدیم، یشاوچیلر ایران دن دیپورت بولمسلیک‌لری اوچون یاشیرینچ شکلده ایشله‌یدی، سونگی کون‌لرده بو چیکلاولر کوپه‌یگن.»
قاچقینلر وزیرلیگی مسئوللری نینگ ایتیشلریچه، نه فقط قوشنی دولت‌لر بلکه دنیا بویلب افغانستان‌لیک ۷ میلیون مهاجر بار و مملکت گه قیتگن ۱۹ مینگ مهاجر گه ایش زمینه‌سینی یره‌تیشگن.
بیزلرنینگ توییترده هم تعقیب قیلینگ!
قاچقینلر وزیرلیگی سوزلاوچیسی عبدالمطلب حقانی گه کوره، حاضرگی کونده افغانستان‌لیک ۶ میلیون مهاجر ایران و پاکستان ده تیریکچیلیک قیلیب کیلماقده.
او نینگ کوپه‌یتیریشیچه: «افغان قاچقینلری قیینچیلیگی حلی اوچون نیچه مرته مهاجرلر میزبانی بولگن اولکه‌لر نماینده‌لری بیلن صحبت قیلدیک، نیچه کون آلدین ایران، پاکستان و یونی‌سی‌آر بیلن تورت تامانلمه ییغیلیش اوتکزدیک.»
ایتیش کیره‌ک که، بیرلشگن ملت‌لر تشکیلاتی نینگ قاچقینلر ایشلری بوییچه عالی کمیشنری (UNHCR)، ینگی ترقه‌تگن گزارشی ده، افغان‌لر مهاجرتی اینگ اوزاق مدتلی مهاجرت بولیب، میزبان مملکت‌لر و قاچقینلر اوزینی قیینچیلیک بیلن روپه‌ره قیلگن.