افغانستان ایرکین میدیالریدن حمایت قیلووچی نهاد (نی) مسئوللری نینگ ایتیشلریچه، اوشبو نهاد نینگ معلوماتی اساسیده، هلمند محلی مسئوللری خبرچی‌لردن، بوندن کیین اوشبو ولایت مسئوللری و یشاوچیلری دن ویدیویی گزارش تیارلب و نشر قیلمسلیک بویروغینی بیرگن.
افغانستان ایرکین میدیالریدن حمایت قیلووچی نهاد مسئولی ظریف کریمی نینگ ایتیشیچه، اوشبو چیکلاولر یره‌تیلیشی، افغانستان ده‌گی خبرچی‌لر ایشینی جدی قیینچیلیک بیلن روپه‌ره قیله‌دی.
بیزلرنینگ فیسبوک صحیفه‌میزگه باش اورینگ!
اونگه کوره: «هلمند محلی مسئوللری، خبرچی‌لر و میدیالر گه اوشبو ولایت محلی مسئوللری و یشاوچیلری دن ویدیویی گزارش تیارلب و نشر قیلمسلیک بویروغینی بیرگن” بیراق بو ایش میدیالر نینگ ایشینی قیینلشتیره‌دی و مسئول نهادلر بوتوغریده جواب‌گر دیر.»
محلی خبرچی‌لردن قطاری، ینگی یره‌تیلگن چیکلاولردن خواطر بیلدیریب ایتیشلریچه، گزارش تیارلش چاغیده تورلی خیل قیینچیلیک بیلن روپهرهلر.
هرات ده سلام‌وطندار خبرچیسی سیدمعروف سعیدی گه کوره: «تأسف بیلن سونگی وقت‌لرده خبرچی‌لر تورلی چیکلاولر بیلن روپه‌ره بولگن، خبرچی‌لر اوچ_تورت کونده بیر گزارش نی تیارله‌ی آلمه‌یدی.»
تخار ده ایچکی میدیالر نینگ خبرچی‌لریدن بیری حبیب‌الله نینگ ایتیشیچه: «تخار ده خبرچی‌لر گه قرشی چیکلاولر کوپه‌یگن، ینگی‌لیکده چیکلاو یره‌تیلگن، ولایت مقامی و معلومات و مدنیت وزیرلیگی تامانیدن محلی اداره‌لر مسئوللری گه مکتوب یوللنگن، حکومت مسئوللری هیچ بیر میدیا بیلن صحبت قیلیش گه حقی یوق دیر.»
عین‌حالده، معلومات و مدنیت وزیرلیگی مسئوللری، اولر بو مسئله‌نی تیکشیریش‌لرینی ایته‌دیلر.
بیزلرنینگ توییترده هم تعقیب قیلینگ!
معلومات و مدنیت وزیرلیگی نینگ نشرات ایشلری بوییچه معینی حیات‌الله مهاجر فراهی گه کوره: «میدیالر نینگ معلوماتی گه بناً، هلمند مسئوللری اوشبو ولایت ده‌گی خبرچی‌لر گه محلی مسئوللر و یشاوچیلردن ویدیویی گزارش تیارلب و نشر قیلمسلیک بویروغینی بیرگن؛ بیراق بو مسئله دن معلومات و مدنیت وزیرلیگی نینگ رسمی معلوماتی یوق، بو موضوع معلومات و ومدنیت وزیرلیگی تامانیدن تیکشیریله‌دی.»
افغانستان ایرکین میدیالریدن حمایت قیلووچی نهاد گه کوره، اسلام امیرلیگی حاکمیتیدن کیین، اولکه بویلب ۵۰ فایز رادیو_تلویزیون و چاپی میدیالر نینگ فعالیتی توخته‌گن.