مملکت جمهوررئیسی محمداشرف غنی ملی کینگش ده یولگه قوییلگن خاص بیر ییغینده ایتیشیچه، افغانستان گه تجاوز صورت تاپگن و مملکتده‌گی جاری اوروش تحمیلی دیر، شو یوزه‌دن تجاوزکارلرگه قرشی کوره‌ش ملی مسئولیت دیر.
جمهوررئیس نینگ کوپه‌یتیریشیچه، اهالی نینگ اولیم‌دن قوتقریش و مملکتده دایمی تینچلیک ایجاد ایتیلیشی اوچون سیاسی یول و ملایم‌لیک کورستدیک، بیراق دشمن تینچلیک اوچون هیچ بیر اَدیم کوتارمسلیککه علاوه، بیزلرنینگ ملایم‌لیگی‌میزنی کوچسیزلیگی‌میز دیب توشونیب و اوروش نی شدت‌لنتیردی.
جناب غنی گه کوره، طالبان اوتمیش گه نسبتن، ظالم‌راق، یمان‌راق و وحشی‌راق بولگن و اولر بو اولکه نینگ تاریخ و جغرافیاسینی نابود قیلیش اوچون حرکت قیله‌دی، شو یوزه‌دن نظارت‌لریده‌گی منطقه‌لرده تاریخ و جغرافیه مضمون‌لرنی اوقیش نصابی دن کوتارگن.
بیزلرنینگ فیسبوک صحیفه‌میزگه باش اورینگ!
اونینگ ایتیشیچه، بوگون ملی کتته بیر سیناوو برابریده قرار تاپگن‌میز و حاضر بیرلیک و بیردم‌لیک نینگ وقتی دیر و گله و شکایت وقتی ایمس دیر، ایشلرنینگ قضاوتی نی افغانستان اهالیسی نینگ بوینیگه قویه‌میز.
جناب غنی گه کوره، بیرلیک و بیردم‌لیک بیزلرنینگ غالب‌لیگیمیز و بقامیزنی شرطی دیر و حاضر ملی بیر گفتمان نی باشلش وقتی کیلگن، چونکه طالبان نینگ ذهنی گه دایمی بیر تینچلیک یوق و بیزلر اوروش میدانی ده وضعیت نی اوزگرتیریشی‌میز کیره‌ک.
جمهوررئیس غنی نینگ ایتیشیچه، بیزلر اوتگن اوچ آیده پیش‌بین‌لیک قیلینمه‌یدیگن بیر وضعیت گه دوچ کیلدیک و حاضر وضعیت بیر آز یخشی‌لنگن و بو وضعیت کیلگوسی ۶ آی گچه کوپ یخشی‌لنیشی ممکن.
او ملی کینگش اعضالریدن کتته عمومی بیر بسیج اوچون نفوذلریدن فایده‌لنیش‌لرینی سوره‌گن. اونگه کوره بو بسیج آرقه‌لی دشمن گه کیسکین جواب بیریلیب و افغانستان کیله‌جگی ایسه تضمین بوله‌دی.
غنی بیاناتی نینگ باشقه بیر بولیمیده ایتیشیچه، طالبان خلق‌ارا ترورچیلیک گروه‌لر بیلن علاقه‌لرینی کوپه‌یتیریب و دینی و خلق‌ارا قانونلرنی اَیاق آستی قیلگن.
شونینگدیک نماینده‌لر کینگش باشلیغی میررحمان رحمانی نینگ ایتیشیچه، چیت‌ایللیک کوچلرنینگ چیقیشی بیلن خوفسیزلیک تأمین‌لنیشی و اساسی قانون جمهوریت ارزش‌لریدن مدافعه قیلیش مسئولیتی امنیتی کوچلرنینگ بوینیگه توشگن و ملی کینگش امنیتی کوچلردن مدافعه قیلیش اوچون برچه صلاحیت‌لریدن فایده‌لنه‌دی.
او طالبان گه قرشی مردمی بیرلشیش نینگ ایجابی دیب و ایتیشیچه، ملی بیرلشیش ایجاد ایتیلیشی امنیتی کوچلرنینگ روحیه‌سینی کوچلنتیره‌دی. جناب رحمانی نینگ ایتیشیچه، طالبان نینگ بیلیش‌لری کیره‌ک که اوروش افغانستان قیینچلیک‌لری نی ییچیم یولی ایمس و ملی کینگش تینچلیک پروسه‌سیدن حمایت قیله‌دی.