ملی احصائیه و معلومات اداره‌سی مسئول‌لری نینگ ایتیشلریچه، سونگی۵ آی‌ده مملکت نینگ ۲۰ ولایتیده ۷۵۹ مینگ‌دن آرتیق برقی کیم‌لیک ترقه‌تیلگن، کونیده تخمیناً ۱۷ مینگ کیم‌لیک طلب‌گارلرگه بیریله‌دی.
بوگون کابل‌ده خبری ییغینده اشتراک ایتگن ملی احصائیه و معلومات اداره سرپرستی فقیر محمد زیار، اوشبو اداره نینگ سونگی ۵ آی لیک یوتوق و فعالیت لرینی اعلان قیلیب ایتیشیچه، بو اداره امکانیت، جهاز و بودجه کمچیلیگی بیلن روپه‌رو بولسه‌ده، بیراق پایتخت کابل شامل باشقه ولایت لرده برقی کیم‌لیک ترقه‌تیش برچه مرکزلرنی فعال اسره‌ش اوچون سعی-حرکت قیلگن.
بیزلرنینگ فیسبوک صحیفه‌میزگه باش اورینگ!
اونینگ اورغولشیچه، مذکور اداره نینگ تخنیکی جهازلری‌دن قطاری مملکتده‌گی سیاسی اوزگریش لردن سونگ یوقالگن و اوشبو جهازلر یوق لیگی مملکت ۱۴ ولایتیده برقی کیم مرکزلر یاپیلیشی گه سبب بولگن.
عین‌حالده، ملی احصائیه و معلومات اداره اورین باسری حسیب‌الله موحد، بیرقطار ولایت لرده مالیه‌وی امکانیت و ترانسپورتی قیینچیلیک باعث برقی کیم‌لیک جریانی توخته‌تیلیشینی تصدیقلب ایتیشیچه، بو ولایت لرده سیار تیم‌لرنی ایجاد ایتیش بیلن کیم‌لیک ترقه‌تیلیش جریانی عادی روشده باشله‌نیشی اوچون سعی-حرکت قیلماقده‌لر.
بیزلرنینگ توییترده هم تعقیب قیلینگ!
شونینگدیک ملی احصائیه و معلومات اداره‌سی، برقی کیم‌لیک طلبگارلری گه کیم‌لیک ترقه‌تیش اوچون قریب ۸ میلیون برقی کیم‌لیک تیارلیگیدن خبر بیریب ایتیشیچه، کیم‌لیک‌لرده اوزگریش ایجاد ایتیلیش میکانیزمی اوستیده ایشله ماقده‌لر و کیم‌لیک لرنی شکلی و محتواسی اوزگریش احتمالی بار.