مملکت باش‌قاره‌لاوچیسی ذبیح‌الله کلیم، بوگون «رسانه فعالیت‌لری نینگ قانونی قیلیش و نشرات صفتی یخشی‌لنیش اوچون مصلحتی ییغین» نامیده یولگه قوییلگن خبری ییغینده ایتیشیچه، رسانه‌یی جرم و خلاف‌کارلیک‌لرنی آلدینی آلیش اوچون، رسانه‌لرده معلومات ییتکزیش و محتوا نشری قنده‌یلیگی اوچون آچیق بیر مکانیزم آچیلیشی کیره‌ک.
باش‌قاره‌لاوچی گه کوره، اولرنینگ یانیده هیچ بیر گروه قانون دن تشقری ایمس و رسانه‌لر برنامه‌لر، خبرلر، معلومات و گزارشلرنینگ نشر قیلیش گه وضعیت حساس‌لیگی و قانون نی نقض قیله‌دیگن رسانه‌یی جرم‌لرگه متوجه بولیش‌لری کیره‌ک، بولمه‌گن صورتده، اولر بیلن قانونی یول باریله‌دی.
بیزلرنینگ فیسبوک صحیفه‌میزگه باش اورینگ!
شونینگدیک مذکور خبری ییغینده حج و اوقاف وزیری محمدقاسم حلیمی نینگ ایتیشیچه، خبرلرنینگ پخش و نشری گه افراط و تفریط صورت تاپمه‌سی کیره‌ک.
بیراق افغانستان ایرکین میدیالریدن حمایت قیلووچی نهاد یا-ده «نی» اجرایی باشلیغی مجیب خلوتگر نینگ ایتیشیچه، بوگون حکومت نینگ رسانه‌لر بیلن اوتکزگن قوشمه خبری ییغینیده، معلومات ییتکزیش برابریده بولگن قیینچلیک‌لردن قطاری اوستیگه سوزله‌شیلگن که رسانه‌یی اجتماع نی جدی عکس‌العمل‌لریگه روپه‌رو بولگن.
بیزلرنینگ توییترده هم تعقیب قیلینگ!
جناب خلوتگر نینگ ایتیشیچه، بوگونگی ییغین دولت ایرکین‌لیککه چیکلاو یره‌تیش اوچون حرکت قیلیشی نی کورسته‌دی.
شونینگدیک مذکور ییغینده حربی سِرلر فاش ایتیلیشی نینگ قنده‌یلیگی توغریسیده هم بحث قیلینگن. اوشبو ییغین اشتراکچی‌لری نینگ ایتیش‌لریچه، سوز ایرکین‌لیگی بهانه‌سی بیلن ملی منفعت‌لر خطر بیلن دوچ کیلمه‌سی کیره‌ک.