شخصیت‌لر بیلن تماس کمیسیونی مسئوللری نینگ ایتیشلریچه، حاضرگچه ۶۵۰دن آرتیق سابق حکومت رسمی‌سی گه، مصونیت کارتی نی ترقه‌تگنلر.
افغانستان گه قیتگنی‌دن بیر ییل‌دن آشگن افغان‌تلیکام شرکتی رئیسی فهیم چکری نینگ ایتیشیچه، افغانستان گه قیتگنی‌دن بیری، ایکی-اوچ مرته تیلیفون آرقه‌لی تهدید بولگن. او امنیتی تهدید‌لر خصوصیده خواطر بیلدیریب اسلام امیر‌لیگی‌دن، مملکت گه قیتگن سابق حکومت رسمیلری نینگ امنیتی تامین‌لنیشی اوچون، کوپراق توجه قیلیش‌لری نی ایسته‌گن.
بیزلرنینگ فیسبوک صحیفه‌میزگه باش اورینگ!
چکری نینگ کوپه‌یتیریشیچه: «خطر گه بولگنی نی توشینگن کیشی‌لر گه کمیسیون آرقه‌لی قوریقچی بیریلیشی و شونینگدیک امنیتی‌میز نینگ تامین بولیشی خصوصیده ایشانچ حاصل قیلیشی‌میز نی ایسته‌میز.»
شونینگدیک دافغانستان رواجلنیش نهاد باشلیغی امید صافی نینگ ایتیشیچه، افغانستان گه قیتگنی‌دن بویان، اوزی و عایله‌سی نینگ جانی امنیتی خصوصیده خواطرلنگن؛ بیراق مصونیت کارتی نی آلگنی‌دن کیین، خوفسیزلیک تهدید‌لر خصوصیده خواطرلری حل بولگن.
اونینگ کوپه‌یتیریشیچه: «بو کارت یوقلیگی‌دن آلدین خواطرلنگن ایدیم که بیر ییرده بی‌عزت بولمه‌یلیک دیب. بو کارت نی آلگنیمیز پیتده، اسلام امیر‌لیگی‌ده ایشله‌یدیگن بوتون کیشی‌لر یانیده قبول قیلینه‌دیگن دیر.»
عین حالده، افغان شخصیت‌لر بیلن تماس کمیسیونی مسئوللری نینگ ایتیشلریچه، ایکی هفته‌دن بویان، سابق حکومت رسمیلری گه مصونیت کارتی نینگ ترقه‌تیلیش پروسه‌سی نی باشله‌گنلر.
اولر نینگ کوپه‌یتیریشلریچه، مملکت‌ده قالگن اونلب حکومت سیاسی شخصیتی و حاضرگچه افغانستان گه قیتگن مجلس نماینده‌لری، حربی رسمیلری و علمی شخصیت‌لر شامل ۶۵۰ سابق حکومت رسمی‌سی گه، مصونیت کارتی نی ترقه‌تگنلر.
بیزلرنینگ توییترده هم تعقیب قیلینگ!
افغانستان شخصیت‌لری بیلن تماس کمیسیونی سوزلاوچیسی احمد‌الله وثیق نینگ ایتیشیچه، مصونیت کارتی نی قولگه کیلتیریش بیلن، فایده‌لنووچیلر نینگ قولی قیسقه‌تیریله‌دی. اونینگ کوپه‌یتیریشیچه: «حاضرگچه مملکت گه قیتگن ۶۵۰ سابق حکومت رسمی‌سی و شونینگدیک افغانستان ده قالگن سابق حکومت نینگ سیاسی اونلب شخصیتی، مصونیت کارتی نی قولگه کیلتیرگن.»
ایتیش کیره‌ک که، افغانستان ده سیاسی اوزگریشلردن کیین، اونل سیاسی حزب‌لر رهبری و شونینگدیک سابق حکومت جمهوری باشلیغی محمد‌اشرف غنی، مملکت نی ترک قیلیب و باشقه مملکت‌لر گه کیتگنلر.