سلام‌وطندار یاش‌لردن بیر قنچه‌سی باشقه فعالیت‌لری یانیده سپورت قیلیش‌لرینی تېکشیریش اوچون، افغانستان نینگ ۲۸ ولایتیده ۷۵۱ یاش بیلن سوراو اۉتکزگن.
اوشبو سوراو اساسیده ۴۸۸ ییگیت که بو سوراو نینگ ۶۵ فایزینی تشکیل بیره‌دی، سپورت قیلیش‌لرینی اېتگنلر؛ بیراق باشقه ۲۶۳ نفری که ۳۵ فایزنی تشکیل بیره‌دی، سوال گه جواب سپورت قیلمسلیک‌لرینی بیلدیرگنلر.
اوشبو تېکشیروده ییگیت‌لر و قیزلر آره‌سیده سپورت قیلیش دلیلی هم تېکشیریلگن و کوپ سانده قیزلر تنه‌لری چرایلیگی و ییگیت‌لر اېسه کوچلی بولیش اوچون سپورت قیلیش‌لرینی اېتگنلر.
بو تېکشیرو ده ۴۱۸ اېرکک و ۳۳۳ عیال قتنشگن و نتیجه اساسیده، عیاللر گه نسبتن اېرکک‌لر کوپراق سپورت بیلن شغللنه‌دیلر.
بو سوراو گه قتنشگن ۴۸۸ کیشی که ۶۱.۷ فایزینی اېرکک‌لر تشکیل بیره‌دی و ۱۸۷ کیشی که ۳۸.۳ فایزینی عیاللر تشکیل بیره‌دی، هر کونی سپورت قیلیش‌لرینی معلوم قیلگنلر.
باشقه تاماندن اوشبو تېکشیروده ییگیت‌لر و قیزلر آره‌سیده سپورت قیلیش دلیلی هم تېکشیریلگن و کوپ سانده قیزلر تنه‌لری چیرایلیگی و ییگیت‌لر اېسه کوچلی بولیش اوچون سپورت قیلیش‌لرینی اېتگنلر.
بو سوراو نینگ معلومات‌لری اساسیده، سپورت گه قیزیقیش‌لرینی معلوم قیلگن ۶۴.۴ فایز قیزلر، تنه‌لری چیرایلی بولیش اوچون سپورت قیلیش‌لرینی بیلدیرگن و ۷۱.۹ فایز ییگیت‌لر گه کوره، کوچلی بولیش مقصدیده سپورت قیله‌دیلر.
بیزلرنینگ فیسبوک صحیفه‌میزگه باش اورینگ!
۲۵ یاشر عرفان ییتّی ییل دن بویان ترتیبلی شکلده سپورت قیلیب کېلگن سلام‌وطندار گه ایتیشیچه: «مین بیرینچی کون‌لرده فوتبال گه قیزیقیشیم اوچون کوپ مشق قیلر اېدیم؛ بیراق حاضر وقتیم یوق، هوازی مشق قیله‌من، ساغلیگیم اوچون فایده‌لی دیر. شونی اوچون هر کونی کلوب باره‌من، فریک قیله‌من؛ بیراق آزراق فوتبال قیله‌من.»
ترتیبلی روشده مشق قیله‌دیگن قیزلردن هانیه، حاضر سپورت زمینه‌سی یوق‌لیگی اوچون سپورت نی ترک اېتگن ایتیشیچه: «آنه‌م بیلن بیر ییرده کلوب بارر اېدیک؛ اونینگ قند کسل‌لیگی بار؛ شفاکارلر اونگه سپورت قیلیشنی مصلحت بیرگنلر. پیاده یوریش ایاغ‌لری گه نقص قیله‌دی، شونی اوچون بیرگه‌لیکده کلوب بارردیک. اۉزیم سیمری مسلیک اوچون فیتنس مشق قیلر اېدیم.»
بو تېکشیرو ده جندر فرقی بیلن سپورت قیلمسلیک دلیلی هم تېکشیریلگن، سوراو گه قتنشیب و سپورت قیلمه‌یدیگن ۶۵.۲ فایز عیاللر، سپورت زمینه‌سی یوق‌لیگی اوچون سپورت قیلمسلیک‌لرینی اېتگن؛ بیراق سپورت قیلمه‌یدیگن اېرکک‌لر وقت یوق‌لیگینی عنوان قیلگنلر.
بیزلرنینگ «ایکس» ترماغی ده هم تعقیب قیلینگ!
زهره شمال گه کوره: «سپورت قیلیش یخشی دیر؛ کوپ فایده‌سی بار؛ لېکن قییرده مشق قیله‌یدیک؟ اوییمیز اوچ اتاق‌لیک بیر بلاک دیر، کلپ بولسه سپورت قیلیش اوچون بارسه‌ی. اۉزیم مشق اوچون باریشنی اېسته‌ی من.»
جمیل جویا نینگ ایتیشیچه: «ایشله‌ی من؛ کون تامانیدن یوق من و کیچه‌لر هم چرچه‌ی من، کلپ باریش گه حوصله قیله آلمه‌ی من؛ مین اوچون مشق قیلیش قیین. وزنیم کوپ بیراق مشق قیلیش گه حوصله‌م یوق.»
عین‌حالده، سپورت ایشلری بوییچه ایش بیلرمان شفیق اکبری گه کوره، سپورت نینگ یاش‌لر میه‌سی و جسمانی ساغلام‌لیگی اوچون رولی مهم دیر. سپورت ایشلری بوییچه اوشبو ایش بیلرمان هر قنده‌ی شرایط ده مشق قیلیشنی لازمی بیله‌دی.
اونینگ کوپه‌یتیریشیچه: «سپورت بو معناده اېمس که سپورتچیلر کبی سپورت قیلیب و قهرمان بولسنگیز. سپورت؛ یعنی تنه اعضالرینی ساغلام اسره‌ش دیر؛ یعنی اضافه وزن تاپمسلیک دیر. بو مشق‌لر اوی ده هم اېنگ دستلبکی امکانیت بیلن هم بوله‌دی؛ سپورت جوده هم مهم دیر.»
باشقه تاماندن، سپورت مربی‌لری یاش‌لر نینگ سپورت گه یوز کېلتیریشی اوچون ترغیب بولیشی کېره‌ک دیېدی. کابل شهری ده کلوب‌لردن بیری نینگ اېگه‌سی جلال حکمت نینگ ایتیشیچه: «سپورت نینگ برچه تورلری سلامت‌لیک اوچون فایده‌سی بار؛ بیراق مسئوللر نینگ یالغیز نیچه بولیمگه دقت‌لری بار.»
برچه‌سی بیلن، جمعیت شناس‌لر نینگ ایشانچی گه کوره، یاشلرنی سپورت گه ترغیب قیلیش جمعیت ده‌گی اېریم قیینچلیک‌لر کمه‌یشی گه سبب بوله‌دی. اجتماعی ایش بیلرمان راشد صدیقی گه کوره: «سپورت یاش‌لر گه ایده‌آل یول نی کورسته‌دی، ایش‌سیزلیک، روحی قیینچلیک‌لر گه قرشی کوره‌ش اوچون اونیملی دیر و حکومت سپورت نی قۉللب-قوتلش و یاشلرنی سپورت گه ترغیب قیلیشی کېره‌ک.»
شو بیلن بیرگه افغانستان ملی المپیک کمیته سۉزلاووچیسی اتل مشوانی، عیاللر گه سپورت زمینه‌سی یوق‌لیگی حقیده فکر-ملاحظه بیلدیرمسه ده؛ بیراق یاش‌لر نینگ سپورت تورلی بولیم‌لری گه ترغیب قیلیش اوچون سعی-حرکت قیله‌یاتگنلریدن ایشانچ بیلدیره‌دی.
اونینگ کوپه‌یتیریشیچه: «مملکت سپورت اداره‌سی علیحده اعتبار قره‌تیب و اېریم ریجه‌لری بار؛ هم ایچکی سپورت فعالیت‌لری و هم تشقی مسابقه‌لر بولیمیده. ینگی ایکّی آمریت تشکیل و جسمانی تربیه‌لش ریاستی شکللنگن، بیر آمریت عنعنه‌وی سپورت‌لر و باشقه بیر آمریت هم همکانی سپورت آتیده تشکیل اېتیلگن. بو آمریت‌لر نینگ وظیفه‌سی عنعنه‌وی سپورت نی قۉللب-قوتلش همده یشاوچیلرنی سپورت گه ترغیب قیلیش دیر.»
اوشبو تېکشیرو معلومات‌لری اساسیده، اسلام امیرلیگی تورلی ساحه‌لرده عیاللر گه چېکلاو یره‌تیب و اولردن بیرقطاری مملکت نی ترک اېتگن بیرحالده، سپورت قیله‌دیگن عیاللر سانی کمه‌یگن.
