بلخ ولایتی محلی مسئوللری نینگ ایتیشلریچه، «کی‌ون کیک بوکسینگ» ایکّینچی دور رقابت‌لری افغانستان و پاکستان سپورت‌چیلری نینگ حضوری بیلن مذکور ولایت مرکزی مزارشریف شهری ده یولگه قوییلگن.
بلخ ولایتی کی‌ون کیک بوکسینگ فدراسیون باشلیغی سخی فیروز گه کوره، بو رقابت‌لر پاکستان دن ۳ سپورتچی و مملکت نینگ تورلی ولایت‌لری‌دن ۲۵ سپورتچی نینگ حضوری بیلن، ۱۸ حوت، جمعه کونی بولیب اۉتگن.
بیزلرنینگ فیسبوک صحیفه‌میزگه باش اورینگ!
فیروز جنابلری، سپورت اوشبو بولیمی رواجلنیشی، یاش‌لر نینگ ترغیب قیلیش و سپورت‌چیلر نینگ مهارت‌لرینی کوچلنتیریش اوچون بو رقابت‌لر یولگه قوییلگنینی بیلدیره‌دی.
بلخ ده کی‌ون کیک بوکسینگ فدراسیون باشلیغی سخی فیروز نینگ سلام‌وطندار گه ایتیشیچه: «پاکستان‌لیک اوچ سپورتچی شامل ۲۸ سپورتچی، بو رقابت‌لرده اشتراک قیلگنلر، مقصدی‌میز بو بولیمنی قۉللب-قوتلش و یاش‌لرنی سپورت گه ترغیب قیلیش دیر.»
عین‌حالده، افغان سپورت‌چیلری بیلن بیلله‌شیش مقصد بلخ گه تشریف بویرگن پاکستان سپورت‌چیلری، بو کبی رقابت‌لر یولگه قوییلیشینی خوش قرشی‌لب و افغان سپورت‌چیلری نینگ توانالیک‌لرینی آلقیشله‌یدیلر.
بیزلرنینگ «ایکس» ترماغی ده هم تعقیب قیلینگ!
پاکستان‌لیک سپورت‌چیلردن حیات‌الله نینگ ایتیشیچه: «بو رقابت‌لرده اشتراک قیلگنیمدن خورسند من. افغان سپورت‌چیلری جوده‌هم کوچلی دیر ایکّی مملکت سپورت‌چیلری آره‌سیده مسابقه‌لر اۉتکزیلیشینی اېسته‌یمیز.»
عین‌حالده، افغان سپورت‌چیلری نینگ ایتیشلریچه، اولر نینگ توانالیگی و مهارت‌لری یوقاری و تشقی مملکت‌لرده‌گی رقابت‌لرده زمینه یره‌تیلگن حالده، افغانستان آتیده اېریم یوتوق‌لرنی کسب اېتیش‌لری ممکن.
برچه‌سی بیلن، کی‌ون کیک بوکسینگ فدراسیون مسئوللری گه کوره، اوشبو رقابت‌لر نینگ ایکّینچی باسقیچیده قزاقستان، تاجیکستان و اۉزبېکستان کبی مملکت‌لردن بو بولیم سپورت‌چیلرینی تکلیف قیله‌دیلر.
