افغانستان اسلامی حزب رهبری گلبدین حکمتیار، ایکی کون آلدین کابل ده جمعه نمازی خطبه‌سیده، افغانستان نینگ حاضرگی خوفسیزلیک وضعیتیدن خواطر بیلدیریب، اسلامی امارت گه مملکت خوفسیزلیگی اوچون ریجه تکلیف قیلگن.
افغانستان‌لیکلر آره‌سیده مذاکره‌لر باشله‌نیشی، قرار آلیش مرجع ایجاد ایتیلیشی، اساسی قانون تصویب ایتیلیشی و قدرت سرپرست حکومت دن ینگی حکومت گه انتقال تاپیشی، اوشبو طرح نینگ اساسی موردلریدن عبارت دیر.
جناب حکمتیار نینگ کوپه‌یتیریشیچه، بو مذاکره‌لر افغانستان نینگ ایچکی اوروشی گه قولی بولمه‌گن مملکت ده باشله‌نیشی کیره‌ک.
بیزلرنینگ فیسبوک صحیفه‌میزگه باش اورینگ!
عین‌حالده، ملی مقاومت جبهه‌سی سوزلاوچیسی صبغت‌الله احمدی گه کوره، اوشبو جبهه افغانستان‌لیکلر آره‌سیده مذاکره‌لر باشله‌نیشیگه تیار دیر و شونینگدیک پیش‌شرطلری هم بار.
صبغت‌الله احمدی نینگ ایتیشیچه: «ملی مقاومت جبهه‌سی مذاکره‌لر گه ارزش قایل دیر و افغانستان‌لیکلر آره‌سیده برچه مذاکره‌لرنی قبول قیله‌دی و بیز طرف‌سیز بیر حکومت شکللنیش طرفداری میز.»
اسلامی امارت سوزلاوچیسی نینگ اورین باسرلریدن بلال کریمی گه کوره، مملکت نینگ بوتون حدودلری اسلامی امارت کنترولی ده دیر و افغانستان بویلب اوشبو حکومت گه قرشی هیچ بیر گروه یوق.
بلال کریمی نینگ ایتیشیچه: «مملکت نینگ بوتون حدودلری اسلامی امارت کنترولی ده دیر و برچه قوم‌لردن نماینده‌لیک قیله‌دی. اولکه ده صلح برقرار ایتیلگن. مرکزی بیر نظام برچه دن نماینده‌لیک قیله‌دی و مملکت بویلب هیچ قنده‌ی مخالف گروه یوق دیر.»
بیزلرنینگ توییترده هم تعقیب قیلینگ!
ایتیش کیره‌ک که، بیرلشگن ملت‌لر تشکیلاتی نینگ باش کاتبی آنتونیو گوترش، مذکور تشکیلات نینگ خوفسیزلیک کینگشی ییغینیده افغانستان گه دایر اوچ آی‌لیک گزارشینی پایله‌شیشده ایتیشیچه، افغانستان نینگ ۲۶ ولایتیده اسلامی امارت گه قرشی ۲۲ گروه فعالیت قیلماقده که اولردن قطاری جمله دن ملی مقاومت جبهه‌سی، کوپراق پنجشیر، بغلان، تخار و کاپیسا ده فعالیت قیلماقده دیر.
اوتگن بیر ییل ده، افغانستان نینگ تورلی بورچک‌لری اینیقسه بغلان، بامیان، بدخشان و پنجشیر ولایت‌لریده اسلامی امارت کوچلری و مخالف گروه‌لر آره‌سیده توقنشوو یوز بیرگن.
نیچه کون آلدین، اسلامی امارت سوزلاوچیسی ذبیح‌الله مجاهد، پنجشیر ده اسلامی امارت کوچلری تامانیدن اوتکزیلگن عملیات ده، ملی مقاومت جبهه‌سی نینگ ۴۰ جنگریسی هلاک ایتیلیب و باشقه ۱۰۱ جنگریسی قولگه آلینگنینی معلوم قیلدی.