پروان ولایتی سیاه‌گرد تومنی «دره‌ی تنگ قمچان»، «قول خول» و «قول‌خشکک» قیشلاق‌لری شامل بیر قطار قیشلاق یشاوچیلری، مخابراتی خذمت‌لردن فایده‌لنه آلمسلیکلریدن شکایت قیله‌دیلر.
مذکور قیشلاق یشاوچیلری نینگ ایتیش‌لریچه، ییل‌لردن بویان یشش منطقه‌لریده مخابراتی خذمت‌لردن یخشی فایده‌لنه آلمه‌گنلر.
سیاه‌گرد تومنی «دره تنگ بالا» قیشلاغی یشاوچیسی نقیب عیار نینگ سلام‌وطندار گه ایتیشیچه: «دره تنگ بالا و پایین قیشلاغیده مخابراتی شبکه‌لرنی قیینچیلیگی بار، بو منطقه ده ۱۵دن ۲۰ مینگ یشش اوی بار. اوشبو منطقه یشاوچیلری حتا انترنیت دن یخشی فایده‌لنه آلمه‌یدیلر. ساده تیلیفون‌لرنی آنتی هم ایشلمه‌یدی. یشاوچیلر نینگ بیران قیینچیلیگی بولگن حالده، موتر هیداوچیلر گه قونغیراق قیله آلمه‌یدیلر. و شونینگدیک اهالی یولاوچیلری بیلن علاقه قوره آلمه‌یدی. اهالی کوپ قیینچیلیک بیلن تاغ تیپه‌لری گه باریب و قیین‌چیلیک‌لرینی حل قیلیشه‌دی.»
بیزلرنینگ فیسبوک صحیفه‌میزگه باش اورینگ!
شونینگدیک، قول‌خول قیشلاغی یشاوچیسی سالم حمیدی گه کوره: «حتا بیر تماس آلالمه‌یمیز. بو ساحه‌ده‌گی قریب بیش مینگ عایله مخابراتی قیینچیلیک بیلن روپه‌ره دیر. بو قیینچیلیک مسئوللر بیلن شریک قیلینیشینی ایسته‌یمیز.»
شونده‌‌ی بیرحالده، پروان ولایتی سرخ‌پارسا تومنی نینگ دره‌ی تورکمن یشاوچیسی نوید‌الله نینگ ایتیشیچه، مذکور دره نینگ قیشلاق‌لریدن کوپ قطاری‌ده، اهالی مخابراتی خذمت‌لردن فایده‌لنه آلمه‌یدی.
اونگه کوره: «مملکت ایچیده یا-ده چیت ایل‌لرده‌گی قرینداش‌لریمیز بیلن سیسلی یا-ده تصویری بیر علاقه قوریش اوچون بیر ساعت یوریمیز و تاغ‌لر نینگ تیپه‌لری گه باریب و علاقه قوره‌میز. سیسی‌میز و قیینچیلیگیمیز نی مسئوللر گه ییتیشتیرینگ و اهالی کوپینچه قیینچیلیک بیلن روپه‌ره دیر.»
عین‌حالده، مخابراتی خذمت‌لرنی منظم‌لشتیریش اداره مسئوللری گه کوره، یشاوچیلر نینگ مخابراتی قیینچیلیکلری حلی اوچون افغانستان نینگ اوزاق منطقه‌لریده ۴۰۰ تاور قوندیریش مقصدیده سعی‌وحرکت قیلماقده‌لر.
بیزلرنینگ توییترده هم تعقیب قیلینگ!
اترا یا ده مخابراتی خذمت‌لرنی منظم‌لشتیریش اداره دفتری باشلیغی نینگ ایتیشیچه: «بو قیینچیلیکلر بارلیگینی تصدیقله‌یمیز. افغانستان ده‌گی اوروش‌لردن آگاه‌سیز، مملکت نینگ اوزاق قیشلاق‌لریده کوپ قطار مخابراتی آنتن‌لر بوزیلگن ایدی. اوتگن ییل جریانیده اوروش‌لر سبب قریب بیر مینگ مخابراتی پایه تخریب بولگن ایدی. حاضر ایسه ۴۰۰ مخابراتی پایه‌لر نی قوریش اوچون قرار آلگن‌میز.»
عین‌حالده، افغانستان ده مخابراتی ترماق‌لر فعال بولیشیدن ایکی سنه اوتسه ده، بیراق حاضرگچه مملکت نینگ کوپینچه قیشلاق اهالیسی مخابراتی خذمت‌لردن فایده‌لنه آلمه‌ی و ایریم قیینچیلیکلر بیلن روپه‌ره‌لر.