مدافعه وزیرلیگی سرپرستی و اسلام امیرلیگی خوفسیزلیک کمیسیون باشلیغی محمدیعقوب مجاهد، تورلی اداره‌لر اینیقسه خوفسیزلیک ارگان‌لر دن تشکیل بولگن اوشبو کمیسیون اعضالریدن بیرقطاری نینگ حضوری بیلن، بوگون (یکشنبه، ۱۰-جدی)، کابل ده مطبوعاتی ییغیلیش ده، مملکت خوفسیزلیک وضعیتی و یوتوق‌لرینی شریک قیلدی.
سرپرست حکومت مدافعه وزیرلیگی سرپرستی گه کوره، ایچکی و تشقی عنصرلر افغانستان وضعیتی گه دایر یالغان سوزلر بیلن باشقه اولکه‌لرنی خواطر گه سالیش گه سعی‌وحرکت قیلماقده، شونی اوچون قطار کیشی‌لر داعش کبی پروژه‌لر نی شکللنتیریش آرتیده دیر.
بیزلرنینگ فیسبوک صحیفه‌میزگه باش اورینگ!
مجاهد جنابلری، افغانستان ده عصیانچی گروه‌لر نینگ رهبرلری، مرکزلری و قرارگاه‌لری یوق ایتیلیشی اوستیگه تاکیدلب ایتیشیچه، افغانستان ده ایکینچی مرته اسلام امیرلیگی حاکمیت گه ایریشگنیدن بیری، مملکت بویلب مردمی ییغیلیش‌لر و مسجدلر گه قرشی هجوم‌لرنی اویوشتیریش گه عیبلنگن تاجیکستان‌لیک و پاکستان‌لیک اونلب فقرا، اولدیریلگن یا که قولگه آلینگنلر.
مدافعه وزیرلیگی سرپرستی گه کوره: «افغانستان ده اسلام امیرلیگی حاکمیتیدن کیین کوپراق هجوم‌لرنی، چیت ایل فقرالری اینیقسه تاجیکستان فقرالری اویوشتیرگن، تاجیکستان‌لیک اونلب فقرا عملیات‌لریمیز ده اولدیریلیب و قولگه آلینگنلر. ایکینچی آدیم ده کوپ سانده هجوم‌لر پاکستان یشاوچیلری تامانیدن اویوشتیریلگن، خوفسیزلیک کوچلریمیز نینگ عملیات‌لریده پاکستان‌لیک ۲۰ دن آرتیق کیشی اولدیریلگن و باشقه اونلب کیشی قولگه آلینگن.»
باشقه تاماندن، مدافعه وزیرلیگی سرپرستی محمدیعقوب مجاهد، سونگی بیر ییل ده ۲۵ آدم اوغری اولدیریلیب و قولگه آلینیشی، قورال قاچاقی آلدی آلینیشی، ۳۷ کمپ و ۶۳ کندک جهاز بیلن تامینلنیشی، قوشنی اولکه‌لر بیلن افغانستان چیگره‌لریده ۱۰۸ حربی مرکز و ۶۰۰ پوسته قوریلیشی، ۴۵ مینگ جزایی دوسیه که اولر ارا تورت مینگ ۲۶۱ دوسیه اسلام امیرلیگی خوفسیزلیک کوچلری گه تیگیشلی دیر، اولکه ده خوفسیزلیک تامینلنیش ده سرپرست حکومت نینگ یوتوق‌لریدن دیه عنوان قیلگن.
بیزلرنینگ «ایکس» ترماغی ده هم تعقیب قیلینگ!
مدافعه وزیرلیگی سرپرستی نینگ کوپه‌یتیریشیچه، اوتگن بیر ییل گه نسبتن مملکت خوفسیزلیگی ۹۰ فایز تامینلنگن. «سونگی ۱۲ آی گه نسبتن ده مملکت ده شریر و فتنه‌چیلر نینگ واقعه‌لری، ۸۰ فایز کمه‌یگن.»
مدافعه وزیرلیگی سرپرستی، اولکه ده عصیانچی گروه‌لر نینگ فعالیت‌لری گه دایر خواطرلر گه جواب ایتیشیچه، اسلام امیرلیگی دوحه بیتیمی اساسیده افغانستان ده هیچ گروه گه فعالیت قیلیش گه ایزین بیرمه‌یدی و قطار کیشی‌لر افغانستان وضعیتی گه دایر یالغان سوزلری بیلن باشقه اولکه‌لرنی خواطر گه سالیش مقصدیده سعی‌وحرکت قیلماقده‌لر.
سونگی بیر ییل ده سرپرست حکومت نینگ عمومی کیچیریمی نقض ایتیلیشی حقیده هیچ قنده‌ی واقعه ثبت بولمه‌گن دیدی، مدافعه وزیرلیگی سرپرستی محمدیعقوب مجاهد.
او نینگ کوپه‌یتیریشیچه: «سونگی ۱۲ آی ده عمومی کیچیریم نقض ایتیلیشی اوچون هیچ واقعه ثبت بولمه‌گن؛ البته بوتوغریده مغرض عنصرلر یالغان سوزلری بیلن ریکلام‌لری گه دوام بیرماقده‌لر.»
اوشبو ییغیلیش ده، سرپرست حکومت مدافعه وزیرلیگی سرپرستی، اولکه ده خوفسیزلیک تامین ایتیلیشیدن ایشانچ بیرسه ده، بیراق یشاوچیلردن امنیتی ارگان‌لر بیلن همکار بولیش‌لرینی طلب قیلهدی.
