اسلامی همکارلیکلر تشکیلاتی افغانستان ده زوروانلیکلر کوپه‌یگنیدن خواطر بیلدیریب و ایتیشیچه، چیت‌ایللیک کوچلر افغانستان دن چیققنیدن کیین، طالبان آرقه‌لی زوروانلیکلرنی دوام تاپیشی گه هیچ بهانه یوق و اونینگ دوامی مسلمان اولدیریش دیر.
بوگون حج و اوقاف وزیرلیگی بیر خبرنامه ترقه‌تیب ایتیشیچه، مذکور تشکیلات تینچلیک برابریده افغانستان دولتی نینگ شرعی و معتدل موقفی دن حمایت قیله‌دی.
حج و اوقاف وزیرلیگی نینگ اعلامی اساسیده، اسلامی همکارلیکلر تشکیلاتی نینگ باش کاتبی یوسف بن احمدالعثیمین نینگ ایتیشیچه، افغانستان دولتی تینچلیک اینیقسه آتیش کیسین و حاکم تعیین قیلیش برابریده توغری و مناسب دینی موقف اختیار قیلگن که بو برچه اسلامی مملکتلر تامانیدن قبول قیلینگن. یوسف بن احمدالعثیمین، افغانستان دولتی نینگ اوشبو موقفی دن حمایت قیلیش توغریسیده ایشانچ بیرگن.
اسلامی همکارلیکلر تشکیلاتی باش کاتبی نینگ اورغولشیچه، اولدیریش، زوروانلیک و ترورچیلیک اسلام نینگ جوهری بیلن قرشی دیر، شو یوزه‌دن اونینگ کوپه‌یتیریشیچه، تبلیغ و پیام ییتکزیش آرقه‌لی اهالی گه بیلدیریش کیره‌ک که، اسلام ترور و زوروانلیک دینی ایمس؛ بلکیم بیرلیک و بیردملیک روشی دیر.
بیزلرنینگ فیسبوک صحیفه‌میزگه هم باش اورینگ!
یوسف بن احمد العثیمین، اوروش نی کنترول قیلیش توغریسیده دین عالم‌لری نینگ نقشی نی اونملی دیب و ایتیشیچه، عالم‌لر اسلامی اجتماع ده یالغیز دینی نقطه‌ی نظردن ایمس؛ بلکیم سیاسی نقطه‌ی نظردن هم اونملی ییرگه ایگه دیر. اونگه کوره، چیت‌ایللیک کوچلر افغانستان دن چیققنیدن کیین، طالبان آرقه‌لی اوروش نی دوام تاپیشی گه هیچ قنده‌ی بهانه یوق و اوروش دوام تاپیشی، مسلمان اولدیریش دیر.
عین حالده، یوقاری مرتبه‌لی بیر هیأت ییتکچیلیگیده عربستان گه سفر قیلگن حج و اوقاف وزیری محمدقاسم حلیمی، اسلامی همکارلیکلر تشکیلاتی نینگ باش کاتبی بیلن اوچره‌شیب ایتیشیچه، افغانستان اوروشی اسلام دینی و دنیا عالم‌لری نینگ فتواسی اساسیده نامشروع دیر.
حج و اوقاف وزیرلیگی گه کوره، افغانستان دولت و اهالیسی تینچلیککه ایریشیش اوچون هیچ قنده‌ی قربانلیکدن وازکیچمه‌گن و طالبان نینگ برچه شرط‌لرینی عملی قیلیش اوچون حرکت قیلیب و حاضرگی قیینچیلیکلر حل ایتیلیشی و دایمی تینچلیککه ایریشیش اوچون تیارلر دیر.
بیزلرنینگ توییترده هم تعقیب قیلینگ!
شونینگدیک محمدقاسم حلیمی نینگ اورغولشیچه، چیت‌ایللیک کوچلر افغانستان دن چیققنیدن کیین، افغانستان ده اوروش دوام تاپیشی اوچون هیچ قنده‌ی بهانه قالمه‌گن و اوروش دوام تاپیشی یالغیز ایناغه اولدیریش و مسلمان اولدیریش دیر.
حج و اوقاف وزیری گه کوره، افغانستان امنیتی کوچلری تیزیم دن حمایت قیلیش و خوفسیزلیک نی تأمین‌لش اوچون بوتون تیارگرلیگی بار. او مذکور تشکیلات دن همکارلیک سوره‌ب و ایتیشیچه، اولر قان توکیش توخته‌تیلیشی و حاضرگی سیاسی قیینچلیک حل ایتیلیشی اوچون افغانستان اسلامی جمهوریتی گه تشکیلات همکارلیکلری دوام تاپیشی نی سوره‌گن.
جناب حلیمی نینگ کوپه‌یتیریشیچه، طالبان تینچلیک توغریسیده متعهد بولگن صورتده، افغانستان دولتی ملی تینچلیکک و تینچلیک پروسه‌سی موفقیت گه ایریشیشی خصوصیده هیچ قنده‌ی توسیق‌لیک کورمه‌یدی و افغانستان اهالیسی نینگ ایسته‌گی و ایرکین اراده‌سی اساسیده، هرتامانلمه سیاسی مشارکت گه زمینه یره‌تیش اوچون تیار دیر.