بلخ ده حسینی ماتم توتگن‌لر محرم کون‌لریده خوفسیزلیک تأمین ایتیلیشینی سوره‌یدیلر

محرم آی باشله‌نیشیدن بیش کون اوتگچ، بلخ ده حسینی ماتم توتگن‌لردن بیرقطاری نینگ ایتیشلریچه، امنیتی خواطرلر باعث ماتم مراسمینی اوتکزیش اوچون تیارگرلیک کوریشه آلمه‌گنلر. اولر سرپرست حکومت دن مذکور ولایت ده محرم کون‌لری خوفسیزلیگینی تأمینلشینی سوره‌یدیلر.

بلخ یشاوچیسی محمدموسا نینگ ایتیشیچه: «اوتگن ییل‌لر کبی تیارگرلیک کوریشه آلمه‌گن؛ چونکه امنیتی خواطرلر بار، خوفسیزلیک تأمین ایتیلیشینی ایسته‌یمیز.»

بیزلرنینگ فیسبوک صحیفه‌میزگه باش اورینگ!

بلخ یشاوچیلریدن باشقه بیری محمدامیر گه کوره، امنیتی کوچلر محرم کون‌لریده مذکور ولایت ده مسجدلر و حسینیه‌لر خوفسیزلیگینی تأمینلش‌لری کیره‌ک. او نینگ کوپه‌یتیریشیچه: «مین حسینی ماتم توتگن اوله‌راق، امنیت دن خواطرده من. ماتم مراسمینی اوتکزیش اوچون خوفسیزلیک کوچلر امنیت نی تأمینلش‌لری کیره‌ک.»

بلخ مرکزی مزارشریف شهری ده دین عالم‌لریدن سیدحیدر هاشمی گه کوره، امنیتی قیینچیلیک باعث شهر بویلب امنیتی کوچلر تامانیدن ایریم چیکلاولر یره‌تیلگن. او نینگ کوپه‌یتیریشیچه: «خوفسیزلیک اوچون بعضی اوزگریش‌لر کیلگن. شهر بویلب سقاخانه‌لر ایجاد و پرچم‌لر قوندیریلمه‌گن. برچه چیکلاولر امنیت اوچون دیر.»

برچه‌سی بیلن، بلخ ده خوفسیزلیک مسئوللری نینگ ایتیشلریچه، مزارشریف شهری ده محرم کون‌لریده مسجدلر و حسینیه‌لر امنیتی تأمینلنیشی اوچون، امنیتی چاره تدبیرلر کوریلگن.

بیزلرنینگ توییترده هم تعقیب قیلینگ!

بلخ امنیه قوماندان‌لیگی سوزلاوچیسی محمدآصف وزیری نینگ سلام‌وطندار گه ایتیشیچه، حسینی ماتم توتگن‌لر خاطر جمع‌لیک بیلن محرم مراسمینی اوتکزیش‌لری ممکن. اونگه کوره: «بلخ ده‌گی شیعه‌لر مذهبی مراسم نی آسوده خاطر بیلن اوتکزیش اوچون خوفسیزلیک کوچلر جدی روشده امنیتی چاره تدبیر کوریشگن و یشاوچیلردن امنیتی کوچلر بیلن همکارلیک قیلیش‌لرینی ایسته‌یمیز.»

محرم آی دستلبکی ۱۰ کونی ده، هر ییلی یشاوچیلر اینیقسه شیعه‌لر، اسلام پیامبری نینگ نبیره‌سی حسین اوچون ماتم توتیب و اوشبو کون‌لرده شهرلر ده یوقاری درجه ده خوفسیزلیک چاره تدبیر کوریله‌دی.

استانکزی: امریکا دوحه بیتیمی اساسیده ا.ا حکومتینی رسمیت گه تانیشی کیره‌ک

کابل شهری ده عزادارلر آره‌سیده نطق سوزله‌گن سرپرست حکومت تشقی ایشلر وزیرلیگی نینگ سیاسی معینی شیرمحمد عباس استانکزی، امریکا قوشمه ایالت‌لری نینگ اسلامی امارت اوستیگه باسیم کیلتیریشیدن تنقید ایتدی.

جناب استانکزی نینگ ایتیشیچه، امریکا قوشمه ایالت‌لری افغانستان اسلامی امارت سرپرست حکومتی اوستیگه سیاسی، اقتصادی و دیپلماتیک باسیم کیلتیرگن.

مملکت تشقی ایشلر وزیرلیگی نینگ سیاسی معینی شیرمحمدعباس استانکزی نینگ ایتیشیچه، امریکا قوشمه ایالت‌لری بیر قطار مملکت‌لرنی افغانستان سرپرست حکومتی بیلن رابطه‌لری بولمسلیک اوچون اوستی‌لری گه باسیم کیلتیرگن.

بیزلرنینگ فیسبوک صحیفه‌میزگه باش اورینگ!

اونینگ ایتیشیچه: «امریکا افغانستان نی ترک ایتیش چاغیده کابل هوا قونالغه‌سی گه زیان ییتکیزدی و حتی ملکی اوچاق‌لرنی بوزدی. شونینگدیک بیزنی اوز پولیمیزدن قوللنیش رخصتینی بیرمه‌یپتی و بانکی تیزیم‌لرنی بند قیلگن. امریکا باشقه قطار مملکت اسلامی امارت بیلن رابطه‌لری بولمسلیگی اوچون اولر اوستیگه باسیم کیلتیرگن.»

شونینگدیک شیرمحمد عباس استانکزی، کابل شهری نینگ شیرپور منطقه‌سیده امریکا تامانیدن اویوشتیریلگن هوایی هجوم‌نی قاره‌لب ایتیشیچه، اوشبو هجوم نتیجه‌سیده قطار کیشی‌لر هلاک ایتیلیشیگه قوشیمچه دوحه بیتیمی نقض ایتیلگن.

افغانستان سرپرست حکومت تشقی ایشلر وزیرلیگی نینگ سیاسی معینی گه کوره، امریکا دوحه بیتیمی اساسیده، افغانستان نینگ حاضرگی حکومتینی رسمیت گه تانیب و افغانستان نینگ قیته قوریش خصوصیده حصه قوشیشی کیره‌ک.

بیزلرنینگ توییترده هم تعقیب قیلینگ!

برچه‌سی بیلن ۱۰ محرم کونیدن نشانلش مراسیمیده، افغانستان نینگ شیعه‌لر بویوک‌لریدن محمد احسانی، اسلامی امارت دن قیزلر نینگ مکتب‌لرینی آچیشینی طلب قیله‌دی.

اونگه کوره: «مسلمان اوله‌راق ترقیات ساحه‌سیده خاتین قیزلر نینگ تحصیلی رولیدن کوز یوم آلمه‌یمیز، شونی اوچون قیزلر نینگ مکتب‌لری تیزلیک بیلن آچیلیشی گه امید بیلدیره‌من.»

عین‌حالده، افغانستان ده اسلامی امارت قدرت نی آلیشیدن قریب بیر ییل بولماقده، بیراق افغانستان نینگ حاضرگی حکومتی حاضرگه قدر هیچ بیر مملکت تامانیدن رسمیت گه تانیلمه‌گن.