گل‌فروش لیک کوچه‌سی کابل شهرنو نینگ قدیمی و مشهور کوچه‌لریدن دیر، خیابانی گل‌ساتووچیلر نینگ دوکان‌لری ایشیگیده قویگن رنگ_برنگ گل‌لری بیلن، اوزگچه چیرای کسب ایتگن.
کابل یشاوچیلری، کوپراق مناسبتی کونلر اوچون گل ساتیب آلیش مقصدیده اوشبو کوچه گه کیله‌دیلر؛ بیراق انچه دن بویان مذکور کوچه ده‌گی گل‌ساتووچیلر، ایشلری تنزل گه یوز توتیشی و مجازلری کمه‌یشیدن شکایت قیلماقده‌لر.
گل‌ساتووچیلردن عبدالمختار نینگ ایتیشیچه، قشاق‌لیک، ایش‌سیزلیک باعث اولکه یشاوچیلری گل کم ساتیب آله‌دیلر.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «اهالی مناسبتی کونلر اینیقسه شیرینی خورلیک، نامزدلیک، آنه‌لر کونی، عیاللر کونی و باشقه مناسبتی کونلر اوچون گل ساتیب آلر ایدیلر؛ بیراق حاضر گل سوداسی قشاق‌لیک و ایش‌سیزلیک باعث کمه‌یگن.»
گل‌ساتووچیلردن باشقه بیری عبدالوهاب، عمری بویلب گل‌ساتووچیلیک قیلگن ایتیشیچه، اوتمیش ده هر کونی گل سوداسیدن اون مینگلب افغانی درآمد قیلردی؛ بیراق اوشبو کونلر دوکان خرجتینی قیین بیلن تأمینله‌یدی.
عبدالوهاب نینگ کوپه‌یتیریشیچه: «۶۰ ییل دن بویان اوشبو کوچه ده گل‌ساتووچیلیک قیله‌من. اوتمیش ده هر کونی ۵۰ مینگ افغانی درآمد قیلردیم؛ لیکن حاضر کونیمیزنی اوتکزماقده میز.»
بیزلرنینگ توییترده هم تعقیب قیلینگ!
مرسل، نرگس، همیشه‌بهار، میخک، دکمه‌ای و باشقه ۵۰ تور گل‌لرنی مذکور کوچه‌ده تاپیش ممکن؛ بیراق اولکه یشاوچیلری نینگ اقتصادی قیینچیلیگی و ایش‌سیزلیگی باعث گل سوداسی کمه‌یگن.