اسلام امیرلیگی ایچکی ایشلر وزیرلیگی نینگ ترافیک پولیسی، بوگون (سه‌شنبه، ۱۹ ثور) حکومت نینگ اطلاعات و میدیالر مرکزی ده یولگه قوییلگن برنامه ده، شهر تکسی‌لری نینگ ینگی رنگینی نمایش قیلدی.
اوشبو ریجه اساسیده، بوندن کیین شهر تکسی‌لری ماوی (آبی) و آق رنگلی بولیشی کیره‌ک.
بیزلرنینگ فیسبوک صحیفه‌میزگه باش اورینگ!
ترافیک پولیسی مسئوللری گه کوره، مذکور ریجه دن اساسی مقصد شهر ترتیبی توزه‌لیشی، یولاوچیلر نینگ امنیتی تأمین ایتیلیشی و شهر تکسی‌لری نینگ رقمی انیقله‌نیشی دیر.
ایچکی ایشلر وزیرلیگی نینگ ترافیک پولیسی عمومی باشلیغی حسیب‌الله مختار گه کوره، هر مکان ده تکسی‌لر رقمینی انیقلش اوچون بو اقدام گه قول اورگنلر.
او نینگ ایتیشیچه، شهرده‌گی موترلردن ۳۰ فایزی تکسی و قالگنی شخصی موترلر دیر که یولاوچی تاشیدی.
بیزلرنینگ توییترده هم تعقیب قیلینگ!
مختار گه کوره، تکسی‌لر نینگ رنگینی اوزگرتیریش ریجه ایرته دن عملی بوله‌دی و تکسی هیداوچیلر گه اوز تکسی‌لری نینگ رنگینی اوزگرتیریش اوچون اوچ آی مهلت بیریلگن.
کابل شهری ده‌گی تکسی هیداوچیلر گه کوره، تکسی‌لری نینگ رنگینی اوزگرتیریش اوچون کوپ پول کیره‌ک و اولر نینگ بو مقدار پول گه کوچ‌لری ییتمه‌یدی.