تخار ده قشاق‌لیک و ایش‌سیزلیک کوپه‌یگنی دوامی‌ده، اوشبو ولایت یشاوچیلریدن قطاری حیات خرهجتلری نی تامین‌لش اوچون، مال-ملک‌لری نی ساتیش گه مجبور بولگنلر.
تخار مرکزی تالقان شهری یشاوچیسی سرورالدین، ۱۲ کیشی‌لیک بیر عایله سرپرستی دیر. اونینگ ایتیشیچه، اوتگن بیر ییل‌ده قشاق‌لیک سبب، موتر و اویی نینگ بیر بولیمی نی ساتیش گه مجبور بولگن.
بیزلرنینگ توییترده هم تعقیب قیلینگ!
شونینگدیک سرورالدین اویی نینگ یریمی نی ساتیش‌دن کیین، ایکی ایناغه‌سی نی ایش تاپیب و پول یوباریش اوچون مملکت‌دن تشقی گه یوبارگن؛ بیراق اونینگ ایناغه‌لری اصلی مقصد گه ییتیشیش‌دن آلدین، قولگه آلینیب و قیته ممکت گه یوباریلگنلر.
اونینگ کوپهیتیریشیچه: «اوی نینگ یریمی نی ساتگن ایدیک و یریمی نی هم ییری‌میز بیلن ساتیش گه قوی‌گن‌میز. مال-ملکی‌نیز نینگ ساتیلگنی‌دن کیین، حیاتی‌میز نی اوتکزیشی‌میز ممکن. حاضر ایسه ایش یوق و ایش‌سیزلیک هم کوپه‌یگن. بیر قطار کیشی ایش‌سیزلیک سبب، مخدره ماده گه چلینگن.»
تالقان شهری نینگ بیر بولیمی‌ده دوکان‌دارلردن بیری نینگ مالکی احمد جواد، بیر لقمه نان تاپیش اوچون اویی نی ساتیب و اوشبو دوکان نی توزتگن. اونینگ ایتیشیچه، ایش یوقلیگی سبب، دوکانی نی هم ساتیش گه مجبور بولگن.
اونینگ سلام‌وطندار گه ایتیشیچه: «حاضر ایسه پولیم نی دوکان‌ده بند قیلگن‌مین که کون اوتیشی بیلن، زیان کوره‌من. بیر کون مستوفیت، باشقه کون ایش جوازی، باشقه کون هم مالیه و شونینگدیک هر کون هر نرسه ایسته‌یدیلر. مالیه نینگ توللنیشی درآمدیم‌دن هم آز دیر. مینی اوچون کوپ قیین بو وضعیت. انه شوو سبب، دوکانیم نی ساتیش گه قویدیم و اوندن کیین ایران یا-ده باشقه مملکت گه کیتیشیم ممکن.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، تالقان شهری‌ده سودا قوللنمه دفتری ایگه‌سی شمس‌الله نینگ ایتیشیچه، اوتگن ییل‌لر گه قره‌گنده، بو ییل ملکیت‌لر نینگ ساتیلیش میزانی یوقاری کیتگن؛ بیراق ساتیب-آله‌دیگن کیشی‌لر رقمی کمه‌یگن دیر.
شمس‌الله نینگ کوپهیتیریشیچه، تالقان شهری یشاوچیلریدن کوپ قطاری قشاق‌لیک و ایش‌سیزلیک سبب، مال-ملک‌لری نی ساته‌دیلر.
اسلام امیر‌لیگی نینگ قدرت گه ایریشگنی و افغانستان ده دنیا جماعه‌سی نینگ ترقیاتی پروژه‌لری و یاردم‌لریدن کوپ بولیمی نینگ کیسیلگنی‌دن کیین، مملکت‌ده کون اوتیشی بیلن قشاق‌لیک کوپه‌یماقده و یشاوچیلردن قطاری حیات‌لری نینگ کیچیریش اوچون، مال-ملک‌لری نی ساتیش گه مجبور بولگنلر.