آمریکا حربی‌لری نینگ قوشمه ستاد باشلیغی نینگ ایتیشیچه، مملکتی سپتامبر آیی گچه حربی‌لری نینگ افغانستان دن چیقارمسدن آلدین، آمریکالیک حربی‌لری بیلن بیرگه‌لیکده ایش قیلگن افغانستان یشاوچی‌لری نینگ چیقاریش اوچون جدی حرکت قیلیب کیلماقده.
آمریکا حربی‌لری نینگ قوشمه ستاد باشلیغی جنرال مارک میلی گه کوره، حاضر ترجمانلر و آمریکا بیلن ایشله‌گن کیشی‌لردن کوپینچه‌سی، طالبان نینگ هجومی نی خطری بیلن قرار تاپگن. جنرال مارک میلی نینگ اورغولشیچه، حاضر ترجمانلر و آمریکا بیلن ایشله‌گن کیشی‌لرنی افغانستان دن چیقاریش ریجه‌سی اوستیگه جدی ایش قیلینماقده.
بیزلرنینگ فیسبوک صحیفه‌میزگه هم باش اورینگ!
خاص بیر برنامه اساسیده، افغانستان یشاوچی‌لریدن کمیده ۱۸ مینگ ته‌سی مهاجرلیک اوچون آمریکا گه درخواست بیرگن، بیراق بو پروسه عملی شکلده دوام تاپمه‌گن و درخواست بیرگنلر ییل‌لرچه ویزا نی کوتیب تورگن.
آمریکا حربی‌لری نینگ قوشمه ستاد باشلیغی، بو موضوع توغریسیده مذکور مملکت تشقی ایشلر وزیرلیگی نینگ نظارتی گه اشاره قیلگن، بیراق بو توغریده آرتیق تفصیلات بیرمه‌گن.
بیزلرنینگ توییترده هم تعقیب قیلینگ!
آمریکا بیلن ایشله‌گن افغانلرگه مهاجرلیک ویزه صادر قیلیش، کمیده بیر دهه آلدین باشلندی. او زمان، بو برنامه آرقه‌لی ۲۶ مینگ و ۵۰۰ کیشی گه مهاجرلیک ویزاسی بیریلیشی ایتیلگن ایدی.
شونده‌ی بیرحالده، جاری ییل ۲۵- حمل آمریکا جمهوررئیسی جو بایدن نینگ اعلام قیلیشیچه، ۱۱- سپتامبر آیی گچه بوتون حربی‌لرینی افغانستان دن چیقاریشی ممکن.
