ارگ ۲۶-سنبله، دوشنبه کونی عصر چاغی اوز اکس صحیفه‌سیده، اسلام امیرلیگی باش وزیری نینگ اداری اورین باسری عبدالسلام حنفی بیلن کابل ده اوزبیکستان ایلچیسی یادگار خواجه شادمانوف نینگ اوچره‌شگنیدن خبر بیرگن.
ارگ نینگ معلوماتی اساسیده، اوشبو اوچره‌شووده یادگار خواجه شادمانوف ۱۲ ییل‌دن کیین اوزبیکستان ایلچیسی صفتیده بولگن مأموریتی نینگ یکونلنگنی‌دن خبر بیریب و مملکتی بیلن اسلام امیرلیگی نینگ «یخشی مناسبتلری» دن خورسند‌لیک بیلدیرگن. جناب شادمانوف، افغانستان ده مأموریتی جریانیده تورلی ساحه‌لرده ایکی تامانلمه مناسبتلر نینگ مستحکم‌لنیشی و کینگه‌یتیریلیشی گه سعی‌وحرکت قیلگنی نی بیان قیلگن.
بیزلرنینگ «ایکس» ترماغی ده هم تعقیب قیلینگ!
کابل ده اوزبیکستان ایلچیسی، مملکتی نینگ افغانستان بیلن سوداگرلیک و اقتصادی علاقه‌لرنی کینگه‌یتیریش توغریسیده ایسته‌گی بارلیگی گه اشاره قیلیب و کوپه‌یتیریشیچه، مملکتی نینگ سوداگرلری و سرمایه یاتقیزووچیلری افغانستان ده تورلی ساحه‌لر اینیقسه برق و کانلر نی قازیب چیقریلیشی خصوصیده سرمایه یاتقیزیش گه تیار دیر.
شونده‌ی بیرحالده، اسلام امیرلیگی باش وزیری نینگ اداری اورین باسری عبدالسلام حنفی، یادگار خواجه شادمانوف بیلن اوچره‌شگنیدن خورسند‌لیک بیلدیریب، اونینگ تورلی ساحه‌لرده ایکی مملکت مناسبتلرینی رواجلنتیریش خصوصیده‌گی ایشلریدن قدردانلیک قیلگن و کیینگی مأموریتلریده موفقیتلر تیله‌گن.
بیزلرنینگ فیسبوک صحیفه‌میزگه باش اورینگ!
اسلام امیرلیگی باش وزیری نینگ اداری اورین باسری، افغانستان و اوزبیکستان آره‌سیده‌گی کوپ ییل‌لیک تاریخی، فرهنگی و اقتصادی مناسبتلرنی ایسله‌تیب، ایکی تامانلمه مناسبتلر رواجلنیشی‌گه تاکید قیلگن.
جناب حنفی گه کوره، اسلام امیرلیگی افغانستان نینگ تورلی بولیم‌لریده سرمایه یاتقیزیلیشلردن خورسند‌لیک قیلیب، سوداگرلر و سرمایه یاتقیزووچیلر گه نیاز بولگن آسایشته‌لیکلرنی یره‌ته‌دی.