برچسب: لیونل مسی

ارجنتاین‌لیک فوتبال یولدوزی لیونل مسی، ملی تیرمه جماعه ده ۱۱۲ گل بیلن اېنگ کوپ گل اورگن ایکّینچی فوتبالچی گه اېلنگن.

بیزلرنینگ فیسبوک صحیفه‌میزگه باش اورینگ!

لیونل مسی بوگون (۲۵-میزان، چهارشنبه) اېرته‌لب محلی وقت بیلن ساعت ۴:۳۰ ده بولویا بیلن مسابقه ده، هتریک قیلیب ایران فوتبال یولدوزی علی دایی دن اوتیب و ملی تیرمه جماعه ده اېنگ کوپ گل اورگن ایکّینچی فوتبالچی گه ایلنگن.

بیزلرنینگ «ایکس» ترماغی ده هم تعقیب قیلینگ!

او، ملی تیرمه جماعه ده ۱۰۹ گل اورگن ایران‌لیک علی دایی دن اوتیب و حاضر پرتگال فوتبال یولدوزی کریستیانو رونالد بیلن رقابت قیلیشی کېره‌ک. رونالدو حاضرگه قدر ملی تیرمه جماعه ده ۱۳۳ گل اورگن و لیونل مسی کریستیانو رونالدو دن ۲۱گل کېین دیر.

پرتگال‌لیک فوتبال یولدوزی کریستیانو رونالدو، حرفه‌ای دوره‌سیده ۹۰۰ گل اوریب و تاریخ سازلیک قیلگن.

رئال مادرید نینگ سابق یولدوزی و سعودی عربستان النصر کلوبی نینگ اویینچیسی کریستیانو رونالدو، ۱۵-سنبله، پنج‌شنبه دن جمعه گه اوتر کیچه، اروپا ملتلر لیگیده کرواسیا برابریده ۹۰۰-گلینی اوریب و تاریخ‌سازلیک قیلدی.

بیزلرنینگ فیسبوک صحیفه‌میزگه باش اورینگ!

۳۹ یاشر رونالدو، بو تاریخی گلینی اروپا ملتلر لیگیده کرواسیا و پرتگال مسابقه‌سیده ۳۴ دقیقه ده نونومندز نینگ اوزه‌تمه‌سی بیلن اورگن. بو مسابقه ده پرتگال ۲-۰حسابی بیلن کرواسیا گه غلبه قازانگن.

او حاضرگه قدر ملی اویینلرده ۱۳۱ گل، رئال مادرید کلوبی ده ۴۵۰ گل، لیسبون ده بیش گل، منچستر یونایتد ده ۱۴۵ گل، یوونتوس ده ۱۰۱ گل و حاضرگی کلوبی یعنی النصر ده ۶۸ گل اوریش گه اولگورگن.

بیزلرنینگ «ایکس» ترماغی ده هم تعقیب قیلینگ!

بارسلونا نینگ سابق فوتبال یولدوزی ارجنتاین‌لیک لیونل مسی، حاضر امریکا ده میامی کلوبی ده فوتبالی گه دوام بیرماقده، حاضرگه قدر ۸۵۹ گل اوریب و رونالدو نینگ اېنگ یقین اېزلاوچیسی سنله‌دی.

بیرقطار کلوب‌لر اینیقسه رئال مادرید، اسپورتینگ لیسبون و النصر رونالدو نینگ بوتون گل‌لری ۹۰۰ گه یېتگنی اوچون مناسبت بیلدیریب بو تاریخی یوتوق نی اونگه قوتلوغ بولسین دیگنلر.

۱۵-سنبله، چهارشنبه دن پنج‌شنبه گه اوتر کیچه ۲۰۲۴-ییل آلتین توپ گه نامزد بولگنلر نینگ رویخطی اعلام بولدی، ۲۱ ییلدن سۉنگ بیرینچی بار نه کریستیانو رونالدو و نه هم لیونل مسی آلتین توپ نامزدی دیر.

بیزلرنینگ فیسبوک صحیفه‌میزگه باش اورینگ!

پرتگال‌لیک فوتبال یولدوزی کریستیانو رونالدو و ارجنتاین‌لیک فوتبال یولدوزی لیونل مسی، میلادی ۲۰۰۳ ییلدن ۲۰۲۳-ییل گه قدر فوتبال بوییچه اوشبو بویوک ساورین نی آلیش گه قازانگن بولمسه‌لرده هم، بو ساورین گه نامزد بولیب کېلگنلر.

ارجنتاین‌لیک لیونل مسی توپلم طرزده سکیز مراتبه و پرتگال‌لیک کریستیانو رونالدو بیش مراتبه آلتین توپ نی آلیش گه قازانگنلر.

سۉنگی ۱۵ ییلده بو ایکّی کیشی یالغیز ایکّی مراتبه آلتین توپ نی آلالمه‌گن.

بیزلرنینگ «ایکس» ترماغی ده هم تعقیب قیلینگ!

آلتین توپ مهم نامزدلریدن جود بلینگام، وینیسیوس جونیور، لامین یامال، ارلینک هالند، فیل فودن، رودری، هری‌کین، کیلیان امباپه و دنی اولمو دیر.

ارجنتاین‌لیک فوتبال یولدوزی لیونل مسی، امریکا کوپا ۲۰۲۴-ییل مسابقه‌لری اونینگ اوچون سۉنگی اویین بولگنینی معلوم قیلگن.

لیونل مسی هم‌تیمی‌لری (ارجنتاین) اوشبو مسابقه‌لر نینگ یریم فاینلی ده کانادا گه ۲:۰ حسابی بیلن غلبه قازانیب و فاینل ده کلمبیا رقیبی بولگن.

بیزلرنینگ فیسبوک صحیفه‌میزگه باش اورینگ!

بو فوتبال یولدوزی «موندو دیپورتیو» کونده‌لیگی بیلن اۉتکزگن صحبتیده بونده‌ی بیانات بیرگن.

اونینگ کوپه‌یتیریشیچه: «توغری امریکا کوپا ۲۰۲۴-ییل اویین‌لری بیز اوچون قیین بولدی، چونکه جماعه‌لر هر قچانگیدن هم کوچلی، میدانلر جوده یامان، هوا حرارتی ایسیق… مین اوچون بو [امریکا کوپا ۲۰۲۴-ییل مسابقه‌لری] آخرگی اویین بوله‌دی.»

بیزلرنینگ «ایکس» ترماغی ده هم تعقیب قیلینگ!

امریکا کوپا ۲۰۲۴ فاینل مسابقه‌سی ۲۵-سرطان، دوشنبه کونی افغانستان وقتی بیلن اېرته‌لب بولیب اۉتیشی کوتیله‌دی.

ایتیش کېره‌ک، بوندن آلدین پرتگال‌لیک فوتبال یولدوزی کریستیانو رونالدو هم، یورو ۲۰۲۴ مسابقه‌لری اونینگ اوچون سۉنگی اویین بولگنینی معلوم قیلگن اېدی.