سینماپامیر، کابل شهری‌ده لیلامی ساتیله‌دیگن اینگ قدیمی ساحه‌لردن دیر. سینماپامیر ده عیال‌لر، ایرکک‌لر و باله‌لر نینگ رنگ-برنگ کییم-کیچکلری آسیلگن کراچیلر موجود دیر که، اوشبو ساحه‌دن اوتیب-قیته‌دیگنلردن قطاری، ایسته‌گنلری کییم‌لر نینگ ساتیب آله‌دیلر.
کابل شهری یشاوچیلریدن قطاری نینگ سلام‌وطندار گه ایتیشلریچه، قیش موسومی گه تیارگرلیک آلیش اوچون اقتصادی نامناسب وضعیت‌لری سبب، دکان‌لردن کییم-کیچک آلیش اورنیده، سینماپامیردن لیلامی کییم ساتیب آله‌دیلر.
بیزلرنینگ فیسبوک صحیفه‌میزگه باش اورینگ!
نیوره‌سی گه کییم آلیش اوچون سینماپامیر ده لیلامی ساتیله‌دیگن بازار گه بارگن کابل شهری یشاوچیسی بولمیش ۳۵ یاشر فریده نینگ ایتیشیچه، نیوره‌سی نینگ تلف بولمه‌سلیگی اوچون لیلامی ساتیله‌دیگن ییرلر گه باریب و قیش کیمی آلیش گه مجبور دیر. اونینگ کوپه‌یتیریشیچه: «عایله اقتصادیمیز یخشی ایمس و باله‌لریمیز و عایله‌میز نینگ جانی نی قوتقریش و قیش موسومی‌ده ایسیق بولیشلری اوچون لیلامی کییم-کیچک آلیش گه مجبور‌میز.»
شونینگدیک ایکی باله‌سی گه نرسه آلیش اوچون سینماپامیر گه بارگن کابل شهری یشاوچیسی ۲۸ یاشر نرگس نینگ ایتیشیچه، باله‌لری گه قیش کییمی آلیش اوچون لیلامی ساتیله‌دیگن ییر گه بارگن. اونینگ کوپه‌یتیریشیچه: «ایکی باله‌م بار و اولر گه قیش کییمی نی آلماقچین‌مین و اولر گه دکان‌دن کییم آلیش خصوصیده ییترلی پولیم یوق.»
لیلامی کییم ساتیب آله‌دگن محمدناصر سادات نینگ ایتیشیچه، بوندن آلدین مؤسسه‌لردن بیریده ایش قیله‌ر ایکن و اسلام امیر‌لیگی حاکمیتی‌دن کییم، ایش‌سیز بولگن. اونینگ کوپه‌یتیریشیچه، باله‌لری گه قیش کییمی آله‌دی. محمدناصر سادات گه کوره: «جمهوریت توزومی‌ده بیر مؤسسه‌ده ایش قیله‌ر ایدیم و اسلام امیر‌لیگی حاکمیتی‌دن کییم، ایش‌سیز بولدیم. حاضر ایسه قیش موسومی‌ده عایله‌م و باله‌لریم نینگ ایسیق بولیشلری اوچون لیلامی ساتیله‌دیگن ییر گه کیلیب و لیلامی کییم ساتیب آله‌من.»
شونده‌ی بیرحالده، کابل شهری‌ده لیلامی ساته‌دیگنلردن قطاری نینگ ایتیشلریچه، لیلامی کییم‌لر مملکت‌دن تشقی‌ده بیر مرته قوللنیلگن و افغانستان بازارلریده آز قیمت بیلن ساتیله‌دی.
بیزلرنینگ «ایکس» ترماغی ده هم تعقیب قیلینگ!
لیلامی ساتووچیلردن بیری قیس نینگ ایتیشیچه، قیش موسومی ییتیب کیلیشی بیلن مشتریلری کوپه‌یگن. اونینگ کوپه‌یتیریشیچه: «سونگی کون‌لر اهالی‌دن کوپ قطاری لیلامی کییم ساتیب آله‌دی؛ بیراق ۱۰ افغانی قیمتی بولگن کییم نینگ آلیش گه کوچی ییتمه‌گن کیشی‌لر هم بار.»
شونینگدیک لیلامی ساته‌دیگنلردن باشقه بیری مولاداد نینگ ایتیشیچه، لیلامی نرسه‌لر، تورلی مملکت‌لر اینیقسه اروپایی، چین و کوریا مملکت‌لریدن افغانستان گه کیلیب و اهالی آز قیمت گه ساتیب آله‌دیلر.
اونینگ کوپه‌یتیریشیچه: «لیلامی کییم و بوت‌لر تورلی مملکت‌لر اینیقسه اروپایی، چین و کوریا مملکت‌لریدن افغانستان گه کیله‌دی و اهالی ایسه آز قیمت گه ساتیب آله‌دی.»
بو بیلن بیرگه، پایتخت نینگ تورلی بولیم‌لری اینیقسه کوته‌ی سنگی، سرای شمالی، ده‌افغانان و سینماپامیر‌ده لیلامی ساته‌دیگنلر نینگ دایمی بازارلری بار که کوپراق قیش موسومی‌ده مشتریلری کوپه‌یه‌دی.
بیراق شفاکارلر نینگ ایشانچی گه کوره، تیر و جلدی کسل‌لیکلر نینگ انتقال تاپیش عامل‌لریدن بیری لیلامی کییم‌لردن قوللنیش دیر. اولر یشاوچیلردن لیلامی کییم‌لردن قوللنیش صورت‌ده، بیرینچی‌ده اونینگ ایسیق سوو بیلن یوویب و قویاش آستیده قرار بیریلیشی نی ایسته‌گنلر.