صناعت و سوداگرلیک وزیرلیگی بیر بیانیه ترقه‌تیب اوشبو وزیرلیگ سرپرستی نورالدین عزیزی قیرغزستان اقتصاد و سوداگرلیک وزیری ییتکچیلیگیده اوشبو مملکت هیئتی بیلن اوچره‌شگنیدن خبر بیریب ایتیشیچه، بو اوچره‌شوو ده مملکت صناعت و سوداگرلیک وزیرلیگی قیرغزستان یولی آرقه‌لی ارزان نرخ ده چین دن سوداگرلیک توارلر انتقال بیریلیشینی سوره‌گن.
مذکور وزیرلیک ایکس اجتماعی ترماغی ده قیرغزستان اقتصاد و سوداگرلیک وزیری امان گلدیف دانیار دن نقل قیلیب یازیشیچه، حاضرگی کونده افغانستان بیلن مناسبتنی مستحکم‌لش اوچون فرصت یره‌تیلگن.
بیزلرنینگ فیسبوک صحیفه‌میزگه باش اورینگ!
صناعت و سوداگرلیک وزیرلیگی سوزلاوچیسی آخوندزاده عبدالسلام جواد گه کوره، قیرغزستان هیئتی سوداگرلیک حجمینی آشیریش، ایکی تامان ترانزیتی گه رخصت بیریش، کورگزمه‌لرده قتنه‌شیش و ایکی مملکت آره‌سیده قوشمه سوداگرلیک اتاق قوریلیشی اوستیگه کیلیشگنلر.
آخوندزاده نینگ کوپه‌یتیریشیچه، قیرغزستان یولی آرقه‌لی افغانستان نینگ چین بیلن تجارتی ارزان نرخ ده انتقال بیریله‌دی.
عین‌حالده، تشقی ایشلر وزیرلیگی سرپرستی امیرخان متقی قیرغزستان هیئتی بیلن اوچره‌شووده، قیرغزستان یولی آرقه‌لی چین دن افغانستان سوداگرلری نینگ توارلری انتقالی اوچون قولی‌لیک یره‌تیلیشینی ایسته‌گن.
بیزلرنینگ «ایکس» ترماغی ده هم تعقیب قیلینگ!
تشقی ایشلر وزیرلیگی سوزلاوچیسی اورین باسری ضیااحمد تکل نینگ ایتیشیچه، متقی قیرغزستان هیئتی بیلن اوچره‌شووده، ایکی مملکت آره‌سیده سوداگرلیک مناسبتنی آشیریش اوچون ییترلیچه چاره تدبیر کوریلگن.
شو بیلن بیرگه، سوداگرلیک و سرمایه یاتقیزیش اتاق مسئوللری گه کوره، قیرغزستان یولی آرقه‌لی چین دن افغانستان نینگ سوداگرلیک توارلری انتقال بیریلگن حالده ایریم قولی‌لیکلر یره‌تیله‌دی.
ایتیش کیره‌ک، افغانستان صناعت و سوداگرلیک وزیرلیگی نینگ معلوماتی اساسیده، چین بیلن افغانستان سوداگرلیک آلیش-بیریشی سونگی ایکی ییل گه قره‌گنده سیزیلرلی درجه ده آشگن.
بو وزیرلیک نینگ معلومات‌لری گه قره‌گنده، ۲۰۲۳-ییل ده چین دن افغانستان نینگ صادراتی ۴۵ میلیون دالر و وارداتی بیر میلیارد ۲۰۰ میلیون دالر بولگن.