سرپرست حکومت ملی مدافعه وزیرلیگی، بوگون (۱۱-جوزا، جمعه) ایکس صحیفه‌سیده، «شهید سردار محمد داوودخان» کسلخانه‌سیده بیرینچی مراتبه «قلب جراح‌لیگی» بولیمی قوریلیب و رسمی طرزده اوشبو وزیرلیک نینگ پلان و پالیسی اۉرین باسری محمدقاسم فرید و ستردرستیز ساغلیق قوماندان‌لیگی مسئوللری تامانیدن آچیلگنینی معلوم قیلگن.
بیزلرنینگ فیسبوک صحیفه‌میزگه باش اورینگ!
مدافعه وزیرلیگی نینگ معلوماتی اساسیده، اوشبو مناسبت بیلن طبی بیلیم اکادمیه‌سی تالاریده یولگه قوییلگن مراسم ده، مسئوللر اوشبو قوماندان‌لیک نینگ یوتوق‌لری و فعالیت‌لری حقیده به تفصیل معلومات کېریتیب، بو کسلخانه نینگ تورلی دیپارتمنت‌لریده قۉشنی مملکت‌لر مقیاسیده اېریم و مرکب عملیات‌لر عملگه آشیریلیشینی اېتگنلر: «ملی مدافعه وزیرلیگی رهبریتی نینگ مخصوص دقتی اساسیده، الحمدالله بوگون شهید سردار محمدداوودخان کسلخانه‌سی نینگ دیپارتمنت‌لریده قۉشنی مملکت‌لر مقیاسیده اېریم و مرکب عملیات‌لر موفق طرزده عملگه آشیریلماقده.»
بیزلرنینگ «ایکس» ترماغی ده هم تعقیب قیلینگ!
اوشبو احتفال ده ملی مدافعه وزیرلیگی نینگ پلان و پالیسی اۉرین باسری، ستردرستیز ساغلیق قوماندان‌لیگی مسئوللری و شفاکارلری نینگ تون-کون سعی-حرکت‌لریدن منتدارلیک بیلدیریش گه قۉشیمچه، اولر نینگ قیینچیلیک‌لرینی حل اېتیش و تکلیف‌لرینی انابت گه آلیب همکارلیک قیلیش وعده‌سینی بیرگن.