کان‌لر و پترولیم وزیرلیگی، بوگون (پنج‌شنبه، ۲۰ میزان) جبل‌السراج سمنت ایشلب چیقریش پروژه نی «مهان‌الدولی» قطری شرکت و ایچکی «اوفی بهرام» همده «الفلاح عالمین» شرکتی بیلن امضاله‌گن.
کان‌لر و پترولیم وزیرلیگی سرپرستی شهاب‌الدین دلاور نینگ ایتیشیچه، مذکور کان ۳۰ ییل گچه قرارداد گه تاپشیریلگن و ایشی یکونیدن کیین هر ییلی بیر یریم میلیون تُن سمنت ایشلب چیقریشی ممکن.
بیزلرنینگ فیسبوک صحیفه‌میزگه باش اورینگ!
اونگه کوره: «بوگون جبل‌السراج سمنت فابریکه‌سی نینگ بویوک بیر قراردادی امضالنه‌دی، اوشبو پروژه اوستیده ایکی میلیون دالر دن آرتیق سرمایه یاتقیزیلگن و بیش مینگ کیشی ایش بیلن تامینلنه‌دی، فایده‌لنیشگه تاپشیریلیشی بیلن هر ییلی خلق‌ارا قاعده‌لر گه تینگ بیر یریم میلیون تُن سمنت تولید قیلینه‌دی.»
دلاور جنابلری گه کوره، نیچه کون آلدین قندهار سمنت قراردادی امضالنگن و کیله‌سی هفته هرات سمنت قراردادی امضالنیشی کوتیله‌دی، ایشلری یکونیدن کیین، مذکور اوچ کان دن هر ییلی اوچ یریم میلیون تُن سمنت یا ۷۰ میلیون بوجی سمنت ایشلب چیقریله‌دی.
کان‌لر و پترولیم وزیرلیگی سرپرستی نینگ کوپه‌یتیریشیچه، اوشبو پروژه‌لر ایشی یکونیدن کیین، افغانستان سمنت لحاظ دن اوزینی اوزی تأمینلب و حتا باشقه اولکه‌لر گه صادر قیلیشی ممکن.
«مهان‌الدولی» قطری شرکت باشلیغی یاسرالمناهی گه کوره، تیزلیک ده اوشبو پروژه ایشینی باشله‌یدیلر.
او نینگ کوپه‌یتیریشیچه: «کمپنیه‌میز اوشبو قراردادنی آلیش اوچون کان‌لر و پترولیم وزیرلیگی رسمی‌لری بیلن ۱۰ ییل دن بیری مذاکره قیلیب کیلگن. قرارداد امضالنیشی بیلن تیزلیکده ایشیمیزنی باشله‌یمیز، پروژه ایشی باشله‌نیشی بیلن مینگلب کیشی ایش بیلن تامینلنه‌دی.»
بیزلرنینگ «ایکس» ترماغی ده هم تعقیب قیلینگ!
عینی‌حالده، کان‌لر و پترولیم وزیرلیگی سوزلاوچیسی همایون افغان نینگ ایتیشیچه، اوشبو ییل باشله‌نیشیدن حاضرگچه، تورلی ساحه‌لرده ییتتی بویوک کان و ۴۴ کیچیک کان قرارداد گه تاپشیریلگن.
کان‌لر و پترولیم وزیرلیگی مسئوللری نینگ ایتیشلریچه، جبل‌السراج سمنت پروژه‌سی اوستیده یاتقیزیلگن ایکی میلیون دالر سرمایه دن، ۱۱ میلیون دالرینی اکتشاف باسقیچی ده و قالگن ۲۰۹ میلیون دالرینی فایده‌لنیشگه تاپشیریش باسقیچیده صرفله‌یدیلر.