سلام‌وطندارنینگ ۲۰ عیال بیلن که اولرنینگ ۱۰ نفری مالی مستقل‌لیکّه ایگه و باشقه ۱۰ نفری مالی مستقل‌لیکّه ایگه بولمه‌گن؛ اۉتکزگن صحبتی اساسیده، مالی مستقل‌لیگی بولگن عیاللر قرار قبول قیلیش‌لرده کوپراق ایرکین‌لیک و روحی سلامت‌لیککه ایگه بولگنلر.
بو گزارش‌ده ۱۴ ایرکک بیلن هم صحبت قیلینگن، اولر عایله احتیاجلرینی تأمینلش‌ده عیاللرنینگ رولینی مهم بهالب و عیاللرنینگ جمعیت‌ده ایشلش و فعالیت قیلیشی‌گه طرفدارلیکلرینی کورستگنلر. اوشبو گزارش‌ده بوتون عیاللر عایله اقتصادی ترقیاتی اوچون قیزیقیب و حصه قوشیش‌لرینی اېتگنلر. مالی مستقل‌لیگی و وظیفه‌سی بولگن ۱۰ عیال، مالی مستقل‌لیگی بولمه‌گن و ایش‌سیز بولگن عیاللر گه نسبتن، عایله ده قرار قبول قیلیش، عایله اقتصادی‌ده حصه قوشیش و عایله‌نی باشقریش‌ده کلیدی رولی بولگن.
بلخ‌لیک رویدا یېتکرمه‌لردن بیریده مصروف و مالی مستقل‌لیکّه ایگه ایتیشیچه، وظیفه‌سی بولگن عیاللر عایله اقتصادی ترقیاتی اوچون کلیدی رولی بولیشی ممکن. اونگه کوره: «افغانستان‌ده بیله‌میز کوپینچه عایله‌لرده آدملر کوپ دیر افغانستان‌نینگ حاضرگی شرایطی‌ده کوپینچه عایله‌لر اقتصادی قیینچیلیک بیلن دوچ. شونی اوچون احتیاجلرنی تأمینلش بیر آدم زمه‌سیگه بولسه حقیقتن قیین دیر.»
شونینگدیک، بدخشان‌لیک مرمر عایله اقتصادی و احتیاجلرینی تأمینلش‌ده حصه قوشه‌دی ایتیشیچه، مالی مستقل‌لیک عیاللرنینگ عایله‌نی یخشی باشقریشی و اساسی احتیاجلرینی تأمینلش گه سبب بوله‌دی. اونینگ کوپه‌یتیریشیچه: «بیر عیال مستقل بولسه، اۉز حیاتی و عایله‌نینگ باشقه اعضالری گه ایریم قولی‌لیک یره‌تیشی ممکن. وظیفه‌سی بولیب و معاشی بولگن عیال کییم-کیچک کبی اۉز احتیاجلرینی تأمینلب و عایله ده نیاز بولگن بویوملرنی آلیشی ممکن.»
اوشبو گزارش اساسیده، مالی مستقل‌لیکّه ایگه بولمه‌گن عیاللر، کم‌سیتیلیش، باشقه‌لر گه باغلیق بولیش و مناسب‌سیز روحی قیینچیلیکنی تجربه قیلگنلر. اولر، مالی مستقل‌لیکّه ایگه بولمسلیکنی اۉزلری گه ایشانچلری کمهیشیگه سبب بولگنینی اېتگنلر.
تخار یشاوچیسی نازنین، اۉتمیشده ایشلب و مالی مستقل‌لیکّه ایگه بولگن؛ بیراق حاضر ایش‌سیز و مالی مستقل‌لیکّه ایگه اېمس ایتیشیچه، مالی مستقل‌لیکّه ایگه بولمسلیک کم‌سیتیلیش و عایله گه باغلیق بولیش حسی تاپیلگن. اونگه کوره: «ایشلب و پول تاپه‌دیگن عیال؛ عایله اقتصادی‌ده حصه قوشه‌دی؛ شونی اوچون عایله‌ده آلینه‌دیگن بویوک قرارلرده حصه قوشیب و باشقه مسئله‌لرده فکر-ملاحظه‌سی گه حرمت قیلینیشی ممکن. وظیفه‌سی و درآمدی بولمه‌گن عیال عایله گه باغلیق دیر، ایر یا که عایله‌نینگ باشقه اعضالری گه.»
بیزلرنینگ فیسبوک صحیفه‌میزگه باش اورینگ!
اوی خاتینی بولیب و هېچ قچان مالی مستقل‌لیگی بولمه‌گن مریم، مالی مستقل‌سیزلیک هردایم عایله‌ده‌گی ایرکک‌لر گه باغلیق بولیشیگه سبب بولگنینی اېته‌دی. اونینگ کوپه‌یتیریشیچه: «ایر کو ایر آلدیگه کم کېله‌سیز؛ ایناغه بولسه عایله آلدیگه کم کېله‌سیز. آدم اۉزی تاپیب صرفلسه یخشی بوله‌دی. مالی مستقل‌لیگی بولمه‌گن عیاللر اوچون قیین دیر.»
بوندن آلدین، ایشلب و مالی مستقل‌لیگی بولگن حسنا؛ حاضر ایش‌سیز و اوی‌ده دیر ایتیشیچه، اۉتمیشده بولگن ایرکین‌لیک، صلاحیت و قدری حاضر یوق و روحی قیینچیلیک بیلن روپه‌ره بولگن. اونگه کوره: «حاضر کوپینچه عیاللرنینگ اقتصادی ضعیف بولگن یا که هېچ پوللری یوق، عایله‌ده قدرلری و اهمیت‌لرینی قولدن بیرگن دیب اویله‌ی من؛ چونکه عیاللر گه امیدوار قیلووچی هېچ نرسه یوق؛ کونسه‌یین چېکلاولر آشیریلماقده.»
باشقه تاماندن، اوشبو گزارش‌ده صحبت قیلگن ۱۴ ایرکک عیاللرنینگ ایشلش و مالی مستقل‌لیکّه ایگه بولیش طرفداری دیر ایتیشلریچه، عیاللرنینگ مالی مستقل‌لیگی ایرککلرنینگ عایله احتیاجلرینی تأمینلش‌ده اۉزلرینی یالغیز حس قیلمسلیک و عایله‌لرنینگ مالی قیینچیلیک‌لری کمهیشیگه سبب بوله‌دی.
بیزلرنینگ «ایکس» ترماغی ده هم تعقیب قیلینگ!
ایرکین وظیفه‌سی بولگن بلخ‌لیک نجیب‌الله‌نینگ ایتیشیچه، عیاللرنینگ ایش و فعالیتی اۉز و عایله اعضالری‌نینگ دستلبکی احتیاجلرینی تأمینلب و عایله اقتصادی‌ده رولی بولیشی گه باعث بوله‌دی.
اونینگ کوپه‌یتیریشیچه: «ایشله‌یدیگن عیاللر خودکفا بولیب و احتیاجلرینی تأمینلب و اوی‌ده‌گی خاتینلر گه نسبتن جمعیت‌ده‌گی برچه عنعنه‌لر و باشقه ایشلردن یخشی آگاه بولیشی ممکن.»
کابل یشاوچیسی فریدون گه کوره: «بیر عیال مالی نقطه‌ی نظردن مستقل بولسه، عایله صرف-خره‌جت‌لرینی تأمینلش‌ده یاردم بیره آله‌دی. ایشله‌یدیگن عیاللر عایله‌ده آلینه‌دیگن قرار قبول قیلیش‌لرده حصه قوشه آله‌دی و ایشلمه‌یدیگن عیاللر عایله‌ده آلینه‌دیگن قرار قبول قیلیش‌لرده حصه قوشه آلمه‌یدی.»
عین‌حالده عیال حقوقی فعاللری و اقتصادی ایش بیلرمان‌لر، عیاللرنینگ مالی مستقل‌لیگینی عایله و جمعیت ترقیاتی اوچون مهم بهالب ایتیشلریچه، مستقل بولگن عیاللرنینگ ایشانچلری کامل و روحی سلامت‌لیکّه ایگه بولیب و هر قنده‌ی شرایط‌ده عایله‌لرینی باشقریش‌لری ممکن.
عیال حقوقی فعالی مسعوده کریم گه کوره: «بو عیاللر عادی طرزده حیات بویوملرینی اۉزلری تأمینله‌یدی و عایله صرف-خره‌جت‌لرینی اۉزلری کنترول و باشقره‌دی. بولر راحت‌لیک بیلن فکر-ملاحظه‌لری و احتیاجلرینی مقابل تامان گه بیان قیلیش‌لری ممکن و مخالف بولگن مسئله‌ده قرشی‌لیک‌لرینی بیان قیله آله‌دیلر.»
افغانستان‌ده تدبیرکار عیاللر و یاشلر فعالیت‌لرینی قۉللب-قوتلاوچی موسسه‌لردن بیری‌نینگ مسئولی حنیف فرزان گه کوره: «امنیت حس قیلیش و کوپراق فعالیت قیلیش اوچون فرصت‌لرنی تانیش گه سبب بوله‌دی و عیاللرنینگ تورلی ساحه‌لرده ترقیاتیگه باعث بوله‌دی. مالی مستقل‌لیک سالم رقابت‌لر، اجتماعی مشارکت و عیاللرنینگ ظرفیتی آشیشی‌گه سبب بولیشی ممکن.»
شو بیلن بیرگه، روان‌شناس شاکر صدیقی گه کوره، وظیفه و مالی مستقل‌لیک عیاللرنینگ روحی و سلامت‌لیگی اوستیگه مثبت تأثیر قیله‌دی.
اونینگ کوپه‌یتیریشیچه: «مالی مستقل‌لیک خاتین‌لرنینگ عایله‌ده قرار قبول قیلیش و کوپراق فعالیت قیلیشی همده کوپراق قدر بولیش حسی تاپیلیشی گه سبب بوله‌دی. ایش عیاللرنینگ جمعیت‌ده‌گی ایشلر و یخشی مناسبت قوریش‌لری و اولرنینگ شخصی ترقیاتی و روحیه‌لری کوچه‌یشی گه باعث بوله‌دی.»
برچه‌سی بیلن، سرپرست حکومت اقتصاد وزیرلیگی سۉزلاوچیسی عبدالرحمان حبیب‌نینگ ایتیشیچه، تورلی ساحه‌لرده عیاللر گه فعالیت قیلیش زمینه‌سی یره‌تیلگن و بو وزیرلیک عیاللرنینگ اقتصادی قیینچیلیک‌لری حلی اوچون ایریم ریجه‌لرنی نظرگه آلگن.
اونگه کوره: «سینگیل‌لریمیز اقتصادی قیینچیلیک‌لرینی اقتصادی ایشلر و سودا فعالیت‌لری آرقه‌لی بجریب و قرض آلیب ساغلیق، تعلیم و تربیه همده سودا بولیم‌لریده کیچیک ایش قیلیش‌لری ممکن. عیاللر گه ایش فرصت‌لری یره‌تیلیشی اوچون ایریم ریجه‌لریمیز بار و اولر بو یول بیلن اقتصادی قیینچیلیک‌لرینی حل قیلیش‌لری ممکن.»
بو گزارش مالی مستقل‌لیگی بولمه‌گن عیاللرنینگ قیینچیلیکلریدن عین‌حالده حکایت قیلماقده سرپرست حکومت تامانیدن عیاللر گه یره‌تیلگن چېکلاولر، کوپینچه عیاللرنینگ ایش‌سیز بولیشی گه سبب بولگن. بیرقطار گزارشلر اساسیده، بو عیاللرنینگ اقتصادی احوالی نه‌فقط اۉزلری نینگ حیاتی؛ بلکه باله‌لری و عایله اعضالری‌نینگ حیاتی اوستیگه سلبی تأثیر قویگن.
