۲۰۲۲_ییل اسلام امیرلیگی افغانستان بوتون ولایت‌لریده حاکم‌لیک قیلیب کیله‌یاتگن بیرینچی ییل دیر؛ اوشبو ییل ده باشقه قانلی واقعه یوز بیرمسلیگی کوتیلردی، لیکن عکسینچه افغانستان نینگ تورلی بورچک‌لریده اویوشتیریلگن واقعه‌لرده مینگلب کیشی اولیب و یره‌لندی.
افغانستان ده اسلام امیرلیگی برابریده کوره‌شیش اوچون کوچلی قوراللی گروه یوق بولسه ده؛ بیراق اوشبو ییل ده اویوشتیریلگن خودکش و پارتلش هجوم‌لر عاقبتیده مینگلب اهالی قربان بولگن.
بیزلرنینگ فیسبوک صحیفه‌میزگه باش اورینگ!
معلومات‌لر اساسیده، مذکور هجوم‌لر کوپراق داعش گروهی تامانیدن اویوشتیریلگن؛ ایش بیلرمان‌لر نینگ ایشانچی گه کوره، بو گروه افغانستان یشاوچیلری اوچون جدی تهدید سنله‌دی.
سابق حربی ثمر سادات نینگ ایتیشیچه: «اسلام امیرلیگی افغانستان بویلب امنیت برقرار ایتیلیشی اوچون ییترلی چاره کوره آلمه‌دی، خودکش و پارتلش واقعه‌لری یوز بیردی و حتا تعلیمی مرکزلرده پارتلش اویوشتیریلدی.»
پایتخت کابل غربی قسمیده کاج تعلیمی مرکزی ده‌گی هجوم، بلخ، قندوز و هرات ولایت‌لریده مسجدلرده اویوشتیریلگن هجوم، کابل ده هندولر عبادتخانه‌سی و سمنگان ده جهادیه مدرسه‌سیده اویوشتیریلگن هجوم‌لر، جاری میلادی ییل ده‌گی قانلی واقعه‌لردن سنله دی، مذکور حادثه‌لرده چمه‌سی ۱۶۰ کیشی هلاک بولیب و ۲۸۷ کیشی یره‌لنگن و اولردن کوپینی تینچ اهالی تشکیل بیره‌دی.
اولر ارا، پایتخت کابل نینگ غربی قسمیده ییرلشگن کاج تعلیمی مرکزی ده اویوشتیریلگن هجوم عاقبتیده ۵۳ کیشی هلاک بولیب و ۱۱۰ کیشی یره‌لندی که ملی و خلق‌ارا مناسبت‌لر گه روپه‌ره بولدی.
مذکور هجوم قربانی‌لری نینگ قرینداش‌لریدن بیری سکینه ادیب نینگ سلام‌وطندار گه ایتیشیچه: «هجوم طفیلی سینگلیم قربان بولدی حاضرگچه ایسدن چیقره آلگنیمیز یوق. برچه عایله اعضالریمیز اوشبو حادثه دن کیین روحی ضرر کورگنلر.»
بیزلرنینگ توییترده هم تعقیب قیلینگ!
جهان، اسلام امیرلیگی نینگ افغانستان ده عصیانچی گروه‌لر کوچه‌یشی برابریده کوره‌شیشی‌دن تنقید قیلیب و افغانستان نینگ حاضرگی وضعیتی دوامی و اوشبو مملکت ترورچی گروه‌لر اویه‌سیگه اوزگریشیدن خواطرده؛ بیراق اسلام امیرلیگی افغانستان ده امنیت تأمین ایتیلیشی اوچون سعی‌وحرکت قیله‌یاتگنیدن ایشانچ بیلدیره‌دی.
ایچکی ایشلر وزیرلیگی سوزلاوچیسی نینگ اورین باسری بسم‌الله حبیب گه کوره: «بیز امنیت تأمین ایتیلیشی و اولکه یشاوچیلری تینچ فضاده تیریکچیلیک قیلیش اوچون توانیمیز باریچه تلاش قیله‌میز.»
ایتیش کیره‌ک که، میلادی اوشبو ییل ده، اسلام امیرلیگی کوچلری افغانستان چیگره حدودلریده، قوشنی اولکه‌لر نینگ چیگره‌چیلری بیلن کمیده ۱۰ مراتبه توقنشدیلر، اوشبو آتیشمه‌لر عاقبتیده ایکی تامان قوریقچیلری نینگ اولیب و یره‌لنیشیگه سبب بولدی.