ایران و پاکستان ده‌گی افغانستان‌لیک قاچقینلر نینگ قولگه آلینیشی، کلتک‌لنیشی و چیقریلیشی دوامی‌ده، اوشبو مملکت‌لرده افغانستان‌لیک قاچقینلردن قطاری نینگ ایتیشلریچه، سونگی کونلر اولر برابریده باسیم‌لر ایکی برابر بولیب و بو وضعیت، کون اوتیشی بیلن یامان‌لنماقده.
ایران ده‌گی افغانستان‌لیک قاچقینلردن زبیر نینگ ایتیشیچه، او و باشقه نیچه دوستی ایران ده باسیم‌لر سبب یاشیرینچ شکلده آز حقوق بیلن ایشله‌یدیلر. اونینگ ایتیشیچه: «حقوقی آز و جنجل قیلگنیمیزده هیچ بیرمه‌یدیلر، شکایت قیلگنیمیزده پولیس گه تانیشتیره‌دیلر و ایش‌دن چیقره‌دیلر. رخصتی بیرمه‌یدیلر. کسل بولگنیگ‌ده حتا دارو اوچون داروخانه گه قویمه‌یدیلر. بیر کنیز کبی ایش قیلدیره‌دیلر.»
شونینگدیک پاکستان ده‌گی افغانستان‌لیک قاچقینلردن هادی غفاری نینگ ایتیشیچه، قاچقینلر مملکت‌لر آره‌سیده سیاسی مسئله‌لر قربانی‌سی بولمسلیکلری کیره‌ک. «سونگی کونلر قیین‌چیلیکلر ایکی برابر بولگن، قاچقینلر شهر گه باره آلمه‌یدیلر یا-ده سفر قیله آلمه‌یدیلر. بازار گه باره آلمه‌یدیلر. بیرلشگن ملتلر تشکیلاتی هم قاچقینلر دوسیه‌لری نی کوپ سیکین شکلده آلغه آلیب باره‌دی.»
بیزلرنینگ «ایکس» ترماغی ده هم تعقیب قیلینگ!
قاچقینلر وزیرلیگی نینگ ایتیشیچه، سونگی بیر آی‌ده قریب ۱۱۵مینگ قاچقین پاکستان و ایران دن چیقریلگن.
عین حالده، پاکستان و ایران ده‌گی قاچقینلردن قطاری حیات نینگ قیین‌چیلیکلری و ایش‌سیزلیک‌دن شکایت قیلیب و بو توغریده مسئوللر نینگ توجه قیلیشلری نی ایسته‌گنلر.
پاکستان دن چیقریلگن قاچقینلردن جمعه‌گل نینگ ایتیشیچه: «نیچه کون بوله‌دی که بو مملکت‌دن چیقریلدیم؛ بو ییرده هم قیین‌چیلیک کوپ دیر، ایش یوق، اوی کرایی؛ حکومت‌دن بیزلر گه باش‌پنه بیریلیشی و ایش فرصتی یره‌تیلیشی نی ایسته‌یمیز.»
شونینگدیک ایران دن مملکت گه قیتگن قاچقینلردن غلام حضرت نینگ ایتیشیچه: «ینگی‌لیکده ایران دن چیقریلیب و مملکت گه قیتگن‌میز. ایش‌ده ایدیک که قولگه آلدیلر. ایشچی‌لیک قیله‌ر ایدیک؛ ایکی آی بوله‌دی که هیچ ایش تاپه آلمه‌دیم. کیچه و کوندوز شور رقم اوته‌دی. ایش یوق.»
شونده‌‌ی بیرحالده، الجزیره ترماغی نینگ گزارش بیریشیچه، قویاش جاری آی‌ده پاکستان اوشبو مملکت‌دن افغانستان‌لیک قاچقینلر نینگ چیقریلیش ایکینچی باسقیچیسی نی باشله‌گن.
بیزلرنینگ فیسبوک صحیفه‌میزگه باش اورینگ!
الجزیره ترماغی‌دن نقل قیلینیشیچه، قاچقینلر نینگ چیقریلیش ایکینچی باسقیچیسیده، پاکستان دن حجت‌سیز قریب ۸۰۰ مینگ قاچقین نینگ چیقریلیشی ممکن.
پاکستان بوندن آلدین اوشبو مملکت‌ده افغانستان‌لیک قاچقینلر کارتی گه ایگه بولگن افغانستانلیکلر نینگ تانیش پروسه‌سی باشلنیشی و اولر نینگ ایکینچی باسقیچ‌ده چیقریلیشی‌دن خبر بیرگن ایدی.
ایتیش کیره‌ک که، پاکستان حکومتی اوتگن ییل کوز موسومی‌ده حجت‌سیز افغانستانلیکلر نینگ بیرینچی چیقریلیش باسقیچیده، قریب ۶۰۰ مینگ ناقانونی قاچقین نینگ اوشبو مملکت‌دن چیقرگن.