غور سپورت مسئوللری نینگ ایتیشلریچه، اوشبو ولایت‌ده فوتبال بیلله‌شوولری اوچ ییل‌دن کیین اوتگن کون (یکشنبه، ۲۸-اسد)، عصر چاغی قیته باشلنگن.
غور سپورت بوییچه آمری حیات‌الله توحیدی نینگ ایتیشیچه، مذکور بیلله‌شوولر سپورت رواجلنیشی و مملکت غرب زونی بیلله‌شوولری اوچون بو ولایت نینگ فوتبال ساحه‌سیده‌گی اینگ یخشی سیمالر نی تنلش مقصد، یولگه قوییلگن.
بیزلرنینگ «ایکس» ترماغی ده هم تعقیب قیلینگ!
جناب توحیدی گه کوره، ایکی آی زمان سوره‌دیگن اوشبو بیلله‌شوولرده ۱۱ تیم نینگ رقابت قیلیشی ممکن.
باشقه بیر تاماندن غور فوتبال فدراسیون مسئولی جان‌محمد حیدری نینگ ایتیشیچه، اولر مذکور ولایت سپورتچیلرینی قوللب-قوتلش مقصد، فوتبال بیلله‌شوولرینی یولگه قوییگنلر.
بیزلرنینگ فیسبوک صحیفه‌میزگه باش اورینگ!
جناب حیدری، مرکزی مسئوللر، نهادلر و سوداگرلردن اوشبو ولایت‌ده‌گی سپورتچیلر نینگ تشویق و حمایت قیلیشلری نی ایسته‌گن.
شونده‌ی بیرحالده، غور سپورتچیلریدن قطاری اوشبو ولایت‌ده فوتبال بیلله‌شوولری یولگه قوییلگنی‌دن خورسند‌لیک قیلیب و ایتیشلریچه، بو کبی بیلله‌شوولر نینگ یولگه قوییلیشی بیرلیک و بیردم‌لیککه سبب بوله‌دی.
