ملی مصالحه کینگشی باشلیغی عبدالله عبدالله نینگ ایتیشیچه، زور بیلن ایستکلرنی تحمیل قیلیش هیچ‌بیر زمان یخشی نتیجه بیرمه‌گن و اهالی نینگ درد و رنج‌لری نینگ کوپه‌یشیگه سبب بولگن.
بیزلرنینگ فیسبوک صحیفه‌میزگه باش اورینگ!
بوگون “سه‌شنبه” ملی مصالحه کینگشی باشلیغی عبدالله عبدالله، ملی مقاومت جبهه‌سی سوزلاوچیسی فهیم دشتی و جنرال عبدالودود زره نینگ پنجشیر ولایتیده هلاک ایتیلگنیدن قیغوداشلیک بیلدیرگن.
عبدالله عبدالله نینگ جییه‌نی فهیم دشتی و ملی قهرمان احمدشاه مسعود نینگ جییه‌نی عبدالودود زره اوتگن کونی پنجشیر ولایتیده طالبان هجومی نتیجه‌سیده هلاک ایتیلگن ایدیلر.
ملی مقاومت جبهه‌سی نینگ ایتیشیچه، فهیم دشتی پاکستان تامانیدن اویوشتیریلگن هوایی هجوم عاقبتیده هلاک ایتیلگن، لیکن طالبان نینگ ایتیشیچه، جناب دشتی ملی مقاومت جبهه‌سی قومندانلری آره‌سیده یوز بیرگن آتیشمه‌ده هلاک ایتیلگن.
طالبان سوزلاوچیسی ذبیح‌الله مجاهد نینگ اوتگن کونی کابل ده اوتکزگن خبری ییغینیده ایتیشیچه، فهیم دشتی مقاومت جبهه‌سی آره‌سیده یوز بیرگن جنجللر نتیجه‌سیده هلاک ایتیلگن.
بیزلرنینگ فیسبوک صحیفه‌میزگه باش اورینگ!
عین‌حالده، عبدالله نینگ ایتیشیچه، فهیم دشتی اوتگن ۲۰ ییل جریانیده ژورنالیسم مسلکی ارزش‌لرینی رشد بیریش و ایرکین‌سوز نینگ نهادینه ایتیلیشی خصوصیده هیچ‌قنده‌ی سعی و حرکت‌دن قول تارتمه‌گن.
