خلق‌ارا یېتکرمه‌لرنینگ معلوماتی اساسیده، امریکا قۉشمه ایالتلری جمهورلیک ریاستی سیلاوی‌ده جمهوری‌خواه حزبی نامزدی دونالد ترامپ، اوشبو سیلاو گه غلبه قازانگن. ترامپ امریکانینگ قیرق ییتینچی جمهور باشلیغی صفتیده تنلنگن.
اسوشیتدپرس آژانسی، دونالد ترامپ ۲۷۷ الکترال کالج آواز آلیب و امریکا قۉشمه ایالتلری‌نینگ جمهورلیک ریاستی سیلاوی غالبی بولگنینی اېتگن. اوشبو مملکت جمهور باشلیغی جوبایدن اورین باسری و امریکا جمهورلیک ریاستی سیلاوی‌ده دموکرات حزبی نامزدی کامالا هریس، ۲۲۴ الکترال آواز آلگن.
دونالد ترامپ نینگ غلبه قازانیشی رسمی طرزده اعلام بولمسدن آلدین بریتانیا، فرانسه، آسترالیا، هندوستان، اسرائیل و اوکراین رهبرلری اونینگ غلبه قازانیشینی تبریک‌له‌گنلر. ترامپ فلوریدا ده غلبه‌سینی اعلام قیلدی. بریتانیا، فرانسه، آسترالیا، هندوستان، اسرائیل و اوکراین رهبرلری اۉز قوتلاو پیاملریده دونالد ترامپ بیلن همکارلیک قیلیش‌لرینی اېتگنلر.
بیزلرنینگ فیسبوک صحیفه‌میزگه باش اورینگ!
خلق‌ارا مناسبت‌لر ایش بیلرمان‌لرنینگ ایشانچی گه کوره، جوبایدن‌نینگ جمهورلیک ریاستی زمانیده‌گی دقت‌سیزلیگی، دونالد ترامپ‌نینگ کامالا هریس برابریده غلبه قازانیشی گه سبب بولگن.
خلق‌ارا مناسبت‌لر بیلرمانی وحید فقیری‌نینگ ایتیشیچه: «سیلاونینگ نتیجه‌سی اساسیده، هم جمهورلیک ریاستی و هم سنا بیر حزب تامانیدن باشقریله‌دی و جمهوری‌خواه‌لر ولسی جرگه‌نی قولگه آلیش‌لری ممکن. بو امریکا تاریخیده نادر اېدی بو ایش امریکا خلقی جوبایدن‌نینگ سیاست‌لریدن ناراضی اېکن‌لیگیدن درک بیره‌دی و خانم هریس‌نینگ اوستیگه هم تأثیر قیلدی.»
شو بیلن بیرگه، امریکا جمهورلیک ریاستی سیلاوی‌ده دونالد ترامپ‌نینگ غلبه قازانیشی، سیلاو کمپاینی جریانیده دنیا مقیاسیده دوام اېته‌یاتگن بحران‌لر حل اېتیلیش وعده‌سینی بیرگن اېدی، خارجی سیاست اینیقسه بو مملکت‌نینگ تشقی سیاست بولیمیده بیر آز اۉزگریش‌لر کېلیشی گه امیدوارلیکلر کوپه‌یگن.
بیزلرنینگ «ایکس» ترماغی ده هم تعقیب قیلینگ!
خلق‌ارا مناسبت‌لر بیلرمان‌لریدن باشقه بیری بلال فاطمی، امریکا جمهورلیک ریاستی سیلاوی‌ده دونالد ترامپ غلبه قازانیشی بیلن دنیا مهم مسئله‌لری گه اۉزگریش کېلیشی خصوصیده ایتیشیچه: «ترامپ بیرگن وعده‌لرینی عملی قیلسه، کوپینچه مهم مسئله‌لرنی حل قیلیشی ممکن. بو مهم مسئله‌لر اوکراین و اۉرته شرق مسئله‌سی دیر که ترامپ بو مسئله‌لرنی حل قیلیش وعده‌سینی بیرگن و افغانستان ایشلری گه اره‌لشمسلیگینی اېتگن.»
ایش بیلرمان‌لردن باشقه بیرقطاری‌نینگ ایشانچی گه کوره، امریکا جمهورلیک ریاستی سیلاوی‌ده ترامپ غلبه قازانیشی بیلن، بو مملکت‌نینگ اسلام امیرلیگی حکومتی اوستیگه باسیملری کوپه‌یشی ممکن.
خلق‌ارا مناسبت‌لر ایش بیلرمانی وحید فقیری نینگ ایتیشیچه: «ترامپ‌نینگ غلبه قازانیشی دنیا اوچون مهم دیر اینیقسه افغانستان اوچون. فکریمچه ترامپ امریکانینگ افغانستان گه یاردملرینی کېسه‌دی و امریکانینگ افغانستان‌ده ایلچیخانه‌سینی آچمسلیگی ممکن و یاپیق قاله‌دی.»
امریکا جمهورلیک ریاستی سیلاوی‌دن آلدینگی سوراولر، کامالا هریس‌نینگ غلبه قازانیشیدن حکایت قیلردی؛ بیراق سیلاوده ترامپ کوپ تفاوت بیلن قازاندی.
