گزارش‌لر اساسیده، افغانستان اوچون روسیه جمهور باشلیغی نینگ مخصوص وکیلی ضمیر کابلوف، ۱۵-جوزا، سه‌شنبه کونی خبری بیر ییغیلیش ده، مسکو افغانستان نینگ شانگهای همکارلیک تشکیلاتی گه اعضا بولیشینی قۉللب-قوتلشینی معلوم قیلگن.
کابلوف، افغانستان نینگ شانگهای همکارلیک تشکیلاتی گه اعضا بولیشی، اوشبو مملکت نینگ اقتصادیاتیده نسبی ترتیب کېلیشی گه باغلیق دیگن.
ضمیر کابلوف نینگ ایتیشیچه: «افغانستان نینگ شانگهای همکارلیک تشکیلاتی گه اعضا بولیشی، بو مملکت نینگ اقتصادیاتیده نسبی ترتیب کېلیشی گه باغلیق دیر.»
بیزلرنینگ فیسبوک صحیفه‌میزگه باش اورینگ!
شو بیلن بیرگه، اسلام امیرلیگی اقتصاد وزیرلیگی شانگهای همکارلیک تشکیلاتی اهمیتی گه اشاره قیلیب، افغانستان نینگ اوشبو تشکیلات گه اعضا بولیشینی مهم اته‌گن.
اقتصاد وزیرلیگی سۉزلاوچیسی عبدالرحمان حبیب گه کوره، افغانستان نینگ شانگهای همکارلیک تشکیلاتی گه اعضا بولیشی نه‌فقط افغانستان بلکه اوشبو تشکیلات گه اعضا مملکت‌لر نینگ اونیمیگه دیر.
عبدالرحمان حبیب نینگ سلام‌وطندار گه ایتیشیچه: «مملکت نینگ بو تشکیلات گه اعضا بولیشی، شانگهای همکارلیک تشکیلاتی گه اعضا مملکت‌لر بیلن سودا علاقه‌لر کېنگه‌یشیگه سبب بوله‌دی، افغانستان مرکزی، جنوبی و شرقی آسیا مملکت‌لر اۉرته‌سیده بولگنی اوچون بو تشکیلات گه اعضا مملکت‌لر اۉرته‌سیده سودا و ترانزیتی مهم رول اوینه‌یدی.»
بیزلرنینگ «ایکس» ترماغی ده هم تعقیب قیلینگ!
شانگهای همکارلیک تشکیلاتی منطقه مملکت‌لردن تشکیل بولیب و چین همده روسیه دنیا مقیاسیده بویوک ایکّی قدرت اوله‌راق بو تشکیلات نینگ ییریک اعضالریدن سنله‌دی، اوشبو تشکیلات اقتصاد و سیاسی همکارلیک‌لر بولیمیده منطقه ده مهم تشکیلات حسابلنه‌دی.
ایش بیلرمان‌لر، افغانستان اوشبو تشکیلات گه اعضا بولگن تقدیرده، مملکت نینگ اقتصادی اهمیتی گه اشاره قیلیب، افغانستان نینگ بو کبی تشکیلات‌لرده حضوری اوچون زمینه یره‌تیلیشی گه تأکید اېته‌دیلر.
اقتصادی ایش بیلرمان عبدالنصیر رشتیا نینگ سلام‌وطندار گه ایتیشیچه: «شانگهای همکارلیک تشکیلاتیده چین و روسیه اقتصادی ایکّی قدرت صفتیده حضوری بار، شونی اوچون بو تشکیلات افغانستان نی تورلی ساحه‌لرده همکارلیک قیلیشی ممکن.»
ایتیش کېره‌ک، حاضرگی کونده افغانستان شانگهای همکارلیک تشکیلاتی نینگ ناظر اعضاسی دیر؛ بیراق افغانستان ده سۉنگی ییل‌لرده‌گی سیاسی قیینچیلیک‌لر باعث بو تشکیلات نینگ ییغیلیش‌لریده چقیریلمه‌گن.