اسلام امیرلیگی باش وزیرلیگی نینگ اداری اورین باسری عبدالسلام حنفی، اوشبو هفته یک‌شنبه کونی، ۱۲ سنبله، «حکومت نینگ ملت گه حساب بیریش» دستوری یکونی مراسمیده ایتیشیچه، اسلام امیرلیگی سوز ایرکین‌لیگی طرفداری دیر.
عبدالسلام حنفی نینگ ایتیشیچه: «اسلامی توزوم ده اهالی نینگ شخصی حقوقی محفوظ دیر، اسلام امیرلیگی یشاوچیلر نینگ حقوقی و شخصی حریم‌لری اسره‌لگن سوز ایرکین‌لیگی طرفداری دیر بیز سوز ایرکین‌لیگی بیلن قیینچیلیگیمیز یوق.»
حنفی جنابلری نینگ اوشبو بیاناتی گه قرشی، افغانستان میدیالری اعضالریدن بیرقطاری نینگ ایتیشلریچه، اوتگن ایکی ییل ده سوز ایرکین‌لیگی چیکله‌نیب و میدیالر باسیم و چیکلاولر بیلن فعالیت‌لری گه دوام بیرماقده.
بیزلرنینگ فیسبوک صحیفه‌میزگه باش اورینگ!
افغانستان ایرکین میدیالریدن حمایت قیلووچی نهاد (نی) باشلیغی ظریف کریمی گه کوره، سونگی ایکی ییل ده میدیالر گه یره‌تیلگن چیکلاولر باعث، میدیالر اوز نشرات‌لرینی سیزیلرلی درجه ده اوزگرتیریش گه مجبور بولگن.
او نینگ کوپه‌یتیریشیچه: «میدیالر فعالیتی کوپ زیان کورگن، میدیالر و خبرچیلر آز سانده حساس موضوع‌لرنی ترقه‌تیشگن چونکه بیر تور سانسور و باسیم بار، کلتکلش و بیزاوته‌لیک کوپه‌یگن سوز ایرکین‌لیگی ایریم باسیم‌لر بیلن روپه‌ره دیر.»
شونینگدیک، افغانستان ده میدیالردن بیری نینگ مسئولی گزارش ده اسمی سر قالیش شرطی بیلن ایتیشیچه، جمهوریت توزومی قولشی دن کیین میدیالر گه کوپلب چیکلاولر یره‌تیلگن.
اونگه کوره: «حاضر هم میدیالر گه بیر تور چیکلاولر حاکم دیر، خلق‌ارا قاعده‌لر گه بناً، سوز ایرکین‌لیگی تعریف بولمه‌گن.»
بیر قطار خبرچیلر گه کوره، سانسور فضاسی حاکم بولیشی سبب، خبرچیلر هردایم قورقینچ و خودسانسورلیک بیلن اطلاعات نی نشر قیله‌دیلر.
خبرچیلردن سومن رحمتی و مهدی انصاری نینگ ایتیشلریچه، خبرچیلر هردایم اطلاعات نی پوشش بیریش و نشر قیلیش ده اوز باشیمچه‌لیک قولگه آلیش خطری بیلن روپه‌ره‌لر.
بیزلرنینگ توییترده هم تعقیب قیلینگ!
خبرچیلردن سومن رحمتی گه کوره: «میدیالر روحی و جانی امنیت‌لری تأمینلنیشی اوچون، خودسانسورلیک قیلیش گه مجبورلر. عیاللر ایشلری جریانیده قولگه آلینیش‌لریدن تشویش قیله‌دیلر.»
خبرچیلردن باشقه بیری مهدی انصاری نینگ ایتیشیچه: «اوز باشیمچه‌لیک قولگه آلینیش‌لر همان دوام ایتماقده، میدیالر مستقل ایمس، وضعیت شونده‌ی دوام قیلگن حالده، کوپ سانده میدیالر یاپیلیشی ممکن.»
ایتیش کیره‌ک که، سونگی آی‌لرده کوپ سانده خبرچیلر اطلاعات نی پوشش بیریش چاغیده قولگه آلینیب و آی‌لرچه زندانی بولیشگن؛ میدیالر اسلام امیرلیگی رسمی‌لریدن سوز ایرکین‌لیگینی قوللب_قوتلب و اونگه حرمت قائل بولیشینی طلب قیله‌دیلر.