دنیا بویلب داعش گروهی تهدیدلریدن جدی خواطر بیلدیریلماقده اېکن؛ اسلام امیرلیگی باش وزیری نینگ سیاسی اۉرین باسری محمدعبدالکبیر، ۱۸-حمل، شنبه کونی کابل شهری ده بیر قطار مملکتلر نینگ ایلچی‌لری و دیپلمات‌لری بیلن افطارلیک ضیافتیده، افغانستان‌ده داعش سرکوب اېتیلیشی گه تاکیدلب هېچ کیم داعش اوچون لابی‌گرلیک قیلمسلیگینی اېتگن.
داعش نه‌فقط افغانستان دشمنی بلکه بشریت، منطقه و دنیا دشمنی دیر و منطقه و دنیا ده بیر قطار دایره‌لر افغانستان‌ده اوشبو گروه اوچون ریکلام قیلماقده دیگن، محمد عبدالکبیر.
ارگ ایکس صحیفه‌سیده ترقه‌لگن بیانیه ده کېلیشیچه: «منطقه و دنیا ده بیرقطار دایره‌لر افغانستان‌ده داعش نی کوچلی کورسه‌تیش اۉرینماقده. داعش نه‌فقط افغانستان دشمنی بلکه بشریت، منطقه و دنیا دشمنی دیر. اسلام امیرلیگی افغانستان‌ده بو گروه نی سرکوب قیلگن و هېچ کیم اونینگ کوچلی کورسه‌تیش گه لابی‌گرلیک قیلمسلیگی کېره‌ک.»
بیزلرنینگ فیسبوک صحیفه‌میزگه باش اورینگ!
اوشبو اۉچره‌شووده اسلام امیرلیگی باش وزیری نینگ سیاسی اۉرین باسری، کېله‌سی ییل‌ده کوپ سانده مملکتلر افغانستان‌ده ایلچی‌خانه‌لرینی آچیش و دیپلمات‌لرینی کوپه‌یتیریش گه امید بیلدیرگن.
برچه‌سی بیلن، ایش بیلرمان‌لردن بیرقطاری، حاضرگی کونده بیرقطار مملکتلر اینیقسه غرب مملکت‌لری رقیب‌لری گه قرشی داعش جمله دن اوشبو گروه نینگ خراسان بولیمیدن فایده‌لنیش گه تلاش قیلماقده، شونی اوچون سۉنگی کون‌لرده داعش نی کوچلی کورسه‌تیش مقصدیده ریکلام بولماقده دیر.
افغانستان بیلن همکارلیک‌لر کېنگه‌یب و افغانستان سرپرست حکومتی تن آلینیشینی حاضرگی بحران‌لر و داعش خواطرلری گه چېک قوییش اوچون یالغیز یول عنوان قیله‌دیلر، ایش بیلرمان‌لر.
بیزلرنینگ «ایکس» ترماغی ده هم تعقیب قیلینگ!
خلق‌ارا مناسبت‌لر ایش بیلرمانی ولی فروزان نینگ ایتیشیچه: «دنیا اوچینچی اوروش تامان یونه‌لماقده اېکن حکومت تن آلینمسه هر بیر مملکت بو ییرده نیابتی گروه‌لرینی آلیب کېلیشی ممکن، افغانستان حکومتی تن آلینیشی کېره‌ک.»
باشقه تاماندن، بو ایش بیلرمان‌لر اسلام امیرلیگیدن افغانستان کېله‌جک‌ده داعش کبی تهدیدلردن امان بولیش اوچون اسلام امیرلیگی دنیا همجمعیت تامانیدن تن آلینیش زمینه‌سینی یره‌تیشی کېره‌ک دیدیلر.
همبستگی ملت واحد افغانستان آقیم رهبری محمدزلمی افغانیار پوپل گه کوره: «ایچکی موضوع‌لر و افغانستان منطقه ده انزوا گه قرار تاپمسلیک موضوع‌سی انابت گه آلینیب پالیسی و خط‌السیر اساسیده منطقه و دنیا مملکت‌لری بیلن مناسبت قوریشیمیز کېره‌ک.»
عین‌حالده، بوندن آلدین اسلام امیرلیگی سۉزلاوچیسی ذبیح‌الله مجاهد سلام‌وطندار بیلن اۉتکزگن صحبتیده، امریکا قۉشمه ایالتلری افغانستان‌ده داعش تهدیدلرینی سقلش گه تلاش قیلماقده‌لیگینی ادعا قیلگن اېدی.