افغانستان المپیک کمیته‌سی، سپورت و جسمانی تربیه‌لش عمومی ریاستی مسئوللری بوگون (شنبه، ۱۷-سنبله)، اوشبو اداره نینگ بیر ییل‌لیک یوتوقلری نی بیان قیلیش برنامه‌سیده ایتیشلریچه، اوتگن ییل‌ده افغانستان ده ۴ مینگ رسمی، تشویقی و مناسبتی رقابت اوتکزیلگن.
مذکور کمیته باشلیغی احمد‌الله وثیق نینگ ایتیشیچه، اوتگن ییل‌ده افغانستان‌لیک سپورتچیلر خلق‌ارا ۹۸ رقابت گه شرکت قیلیش بیلن ۲۲ آلتین مدال، ۳۰ کوموش و ۴۰ برونز مدال شامل ۹۲ مدال قولگه کیلتیرگنلر. اونینگ کوپه‌یتیریشیچه: «مملکت سپورتچیلری خلق‌ارا ۹۸ رقابت گه شرکت قیلگنلر که اونینگ نتیجه‌سیده، ۲۲ آلتین مدال، ۳۰ کوموش و ۴۰ برونز مدال شامل ۹۲ مدال قولگه کیلگن.»
بیزلرنینگ فیسبوک صحیفه‌میزگه باش اورینگ!
المپیک کمیته‌سی، سپورت و جسمانی تربیه‌لش عمومی ریاستی مسئوللری، آسیایی المپیک اویین‌لریده ۵ مدال نینگ قولگه کیلتیریلیشی، افغانستان فوتسال ملی تیرمه جماعه‌سی نینگ دنیا کپی گه یول تاپگنی، ۱۷ یاشنی تولدیرمه‌گن فوتبال ملی تیرمه جماعه‌سی نینگ کافا مسابقه‌لریده قهرمان‌لیگی و «جی ۲» رقابت‌لریده تکواندو ملی تیرمه جماعه‌سی نینگ قهرمان‌لیگی، اوتگن بیر ییل‌ده تشقی رقابت‌لرده بو نهاد نینگ یوتوقلریدن عنوان قیلگنلر.
المپیک کمیته‌سی، سپورت و جسمانی تربیه‌لش عمومی باشلیغی احمد‌الله وثیق نینگ ایتیشیچه، عیاللر هم حجاب نی رعایت قیلیش بیلن آچیق فضاده سپورت قیله آله‌دیلر. «سپورت حقیقتا ایرککلر و عیاللر اوچون ضروری دیر. عیاللر شریعت چهارچوبه‌سیده و حجاب نی رعایت قیلیش بیلن آچیق فضاده سپورت قیله آله‌دیلر.»
المپیک کمیته‌سی، سپورت و جسمانی تربیه‌لش عمومی ریاستی مسئوللری، ۳۵ فدراسیون‌دن نظارت قیلینیشی، والیبال، فوتبال و فوتسال رقابت‌لری نینگ اوچینچی دوری و اوغلاق لیگی نینگ بیشینچی دوری اوتکزیلگنی نی بو اداره نینگ باشقه یوتوقلریدن دیگنلر.
بیزلرنینگ «ایکس» ترماغی ده هم تعقیب قیلینگ!
اوشبو کمیته سوزلاوچیسی محمداتل مشوانی نینگ ایتیشیچه: «اوتگن بیر ییل‌ده مملکت نینگ بیش مشهور لیگی نی ستندرد شکلده یولگه قویه آلگن‌میز که عینی وقت‌ده ییتکرمه‌لرده جانلی شکلده نشر بولدی.»
افغانستان المپیک کمیته‌سی، سپورت و جسمانی تربیه‌لش عمومی ریاستی مسئوللری نینگ ایتیشلریچه، جاری ییل‌ده تورلی مملکت‌لر نینگ رسمی دعوت‌لری اساسیده، مملکت‌دن تشقی گه ۵۰ سپورتچی سفری نینگ تنظیم بولیشی ممکن.
