هرات ولایتی عیاللر صنعت و سوداگرلیک اتاقی مسئوللری نینگ ایتیشلریچه، اولر، بیرقطار مملکت‌لر، سوداگرلر و اسلامی امارت نینگ آرقهداشلیگی بیلن اوشبو ولایت عیاللر صنعت و سوداگرلیک اتاقینی قیته‌دن فعال قیلگنلر.
هرات ولایتی عیاللر صنعت و سوداگرلیک اتاقی نینگ رئیسی نرگس هاشمی، اوتگن کون اوشبو اتاق مدیره هیأتینی تانیشتیریش مراسمی‌ده ایتیشیچه، مملکت غرب حوزه‌سی سوداگرعیاللری سونگی اوزگریشلردن کیین ایشلرینی قولدن بیرگنلر.
اونینگ کوپه‌یتیریشیچه، اولر کوپینچه سعی و حرکت بیلن عیاللر صنعت وسوداگرلیک اتاقینی قیته‌دن رسمی شکلده فعال قیلیشگه قادر بولگن‌لر.
خانم هاشمیگه کوره، حاضر ۱۰۰ گه یقین سوداگرعیاللر اوشبو ولایت نینگ عیاللر صنعت و سوداگرلیک اتاقی‌گه عضو بولگن‌لر که حاضر قوروق میوه و زعفران بسته بندلیک قیلیش و قول صنعتی بولیم‌لریده فعالیت قیله‌دیلر.
بیزلرنینگ فیسبوک صحیفه‌میزگه باش اورینگ!
هرات ولایتی عیاللر صنعت و سوداگرلیک اتاقی نینگ رئیسی‌گه کوره، عیاللر اوزلری و مملکت‌لری نینگ اقتصادی ترقیاتی گه حصه قوشیش اوچون، اولر مملکت ایچکریسی و تشقریسیده عیاللرگه ایش زمینه‌سینی یره‌تیش خصوصیده سعی و حرکت قیله‌دیلر.
هرات صنعتچی و سوداگر عیاللری اسلامی امارت مسئوللریدن، سوداگر عیاللرگه مملکت رشدی و ترقیاتی اوچون ایرککلر بیلن برابر ایش قیلیشلر توغریسبده زمینه یره‌تیشلرینی سوره‌یدیلر.
شونده‌ی بیرحالده، هرات معلومات و مدنیت ریاستی نینگ باشلیغی نعیم‌الحق حقانی، اوشبو مراسم ده صحبت قیلیب ایتیشیچه، اسلامی امارت مسئوللری بو ولایت‌ده عیاللر نینگ هرقنده‌ی فعالیتی‌دن آرقه‌داشلیک بیلدیره‌دی.
بیزلرنینگ توییترده هم تعقیب قیلینگ!
جناب حقانی نینگ کوپه‌یتیریشیچه، هرات صنعتچی و سوداگر عیاللری اوتمیش‌لردن کوره کوچلی راق فعالیت قیلیشلری ممکن.
عین‌حالده، هرات سوداگر عیاللری نینگ ایتیشلریچه، اسلامی امارت همکارلیگی بیلن تولیداتلرینی مملکت‌دن تشقریده صادر ایتیلیشی‌گه امیدوار دیرلر.
