ننگرهار حوزه‌یی کسل‌خانه‌‌‌سیده بیر منبع کیم‌لیگی سِر قالیش نی ایسته‌ب سلام‌وطندار گه ایتیشیچه، بوگون مذکور ولایت مرکزی جلال‌آباد شهری نینگ صراف‌لیک بازاریده یوز بیرگن پارتلش‌دن، ۹ یره‌دار اوشبو کسل‌خانه گه انتقال تاپگن.
مذکور پارتلش بوگون توش‌دن کیین، ساعت ۲:۰۰ده جلال‌آباد شهری نینگ صراف‌لیک بازاریده یوز بیرگن. منبع‌لر نینگ ایتیشلریچه، مذکور پارتلش صرافلر ییغیلیشیده یوز بیرگن.
بیزلرنینگ فیسبوک صحیفه‌میزگه باش اورینگ!
ننگرهار امنیه قوماندانلیگی سوزلاوچیسی عبدالبصیر زابلی نینگ ایتیشیچه، اوشبو واقعه جایلشتیریلگن ماده‌لر نینگ پارتلگنی سبب یوز بیرگن. بیراق اونینگ کوپه‌یتیریشیچه، اوشبو پارتلش نتیجه‌سیده آلتی تینچ اعالی یره‌لنگن.
ننگرهار امنیه قومندانلیگی سوزلاوچیسی گه کوره، واقعه محلی امنیتی کوچ‌لر آرقه‌لی یاپیلگن و تیکشیروو عملیات نینگ دوامی بار.
حاضرگچه اوشبو پارتلش مسئولیتی نی بیرار گروه یا-ده شخص بوینیگه آلمه‌گن.
بیزلرنینگ توییترده هم تعقیب قیلینگ!
ایتیش کیره‌ک که، جاری هفته شنبه کونی عصر چاغی، جلال‌آباد شهری نینگ بیرینچی ناحیه اطرافیده جایلشتیریلگن ماین نینگ پارتلگنی سببؤ، آلتی تینچ اهالی یره‌لنگن ایدی.
شونده‌ی بیرحالده، بوگون ایرتنگ چاغی مزارشریف شهری اطرافیده حیرتان بندری نفتی ماده‌لر ایشلاوچیلری نینگ انتقال بیره‌دیگن موتر‌ده پارتلش یوز بیرگنی سبب، ۸ کیشی هلاک بولیب و ۱۰ کیشی ایسه یره‌لنگن.