افغانستان وضعیتی خصوصیده منطقه مملکت‌لر نینگ خواطرلری دوامیده، ایکی کون آلدین قرغیزستان ده اوتکزیلگن اورته آسیا مملکت‌لر رهبرلری نینگ تورتینچی دور مصلحتی ییغینی‌ده، افغانستان وضعیتی خصوصیده هم اَیریم فکرلر بیان بولگن.
مذکور ییغینده تاجیکستان جمهور رئیسی امام علی رحمان نینگ ایتیشیچه، افغانستان نینگ حاضرگی حکومتی برچه شمول حکومت قوریش‌گه تیار ایمس. شونینگ‌دیک اونینگ آگاه‌لنتیریشیچه، افغانستان وضعیتی یامان‌لشماقده دیر.
بونگه علاوه، قرغیزستان جمهور رئیسی صدیر جباروف افغانستان شرایطی نی انیق‌سیز دیگن، جباروف همده، اورتا آسیا مملکت‌لری نی افغانستان وضعیتی خصوصیده هماهنگ بولیش‌لری گه تاکید ایتکن.
بیزلرنینگ توییترده هم تعقیب قیلینگ!
عین حالده، سیاسی ایش بیلرمانلردن قطاری نینگ تاکید قیلیشلریچه، اسلامی امارت سرپرست حکومتی حاضرگچه قوشنی مملکت‌لر نینگ ایشانچی نی قولگه کیلتیرمه‌گن.
اوکراین‌ده‌گی افغانستان نینگ سابق ایلچیسی سردار محمد رحمان اوغلی نینگ ایتیشیچه: «قزاقستان، قرغیزستان و اوزبیکستان نینگ قره قلپاقستان‌گه صادر بولگن سونگی اوزگریش‌لر منطقه ده ناقرار وضعیت‌دن گواه‌لیک بیره‌دی، بو مملکت‌لر و استخبارات‌لری شرایط‌دن آگاه‌لر و بیله‌دیلر افغانستان‌ده نیمه‌لر بولیب یاتکن همده افغانستان‌ده‌گی موجود قورالی قرشی گروه‌لری سبب اسلامی امارت بیلن علاقه‌لریگه دقت قیله‌دیلر.»
بوتوغریده سیاسی ایش بیلرمان ولی فروزان ایتیشیچه: «افغانستان شمالی روسیه و اورته آسیا مملکتی‌لری اوچون تینچ بیر چیگره ایمس، اسلامی امارت حکومتی پاکستان‌دن باشلنگن تروریزم نی اورته آسیا مملکت‌لریگه اوتیش اونگی نی آلیش‌گه وظیفه‌سی بار.»
باشقه تاماندن، شانگ‌های همکارلیک تشکیلاتی نینگ رئیسی شانگ‌مینگ جمعه کونی پاکستان تشقی ایشلر وزیری بیلن اوتکزگن اوچره‌شوویده افغانستان ده انسان حق‌لری رعایت ایتیلیشی همده تروریزم گه قرشی کوره‌شیلیشی گه تاکید ایتکن.
شانگ های تشکیلاتی نینگ رئیسی و پاکستان تشقی ایشلر وزیری تاکید قیلگنلر که، افغانستان نینگ سرپرست حکومتی خلق‌ارا خواطرلر گه جواب قیتریشی کیره‌ک.
سیاسی ایش بیلرمان لرگه کوره، اسلامی امیرلیگی خلق‌ارا هم‌جمعیتی و خلق ایسته‌گی گه توجه قیلمه‌گنی تقدیرده، مملکت کیله‌جگی خواطرلی بولیشی ممکن.
بیزلرنینگ فیسبوک صحیفه‌میزگه باش اورینگ!
سیاسی ایشلر بیلرمانلردن طارق فرهادی نینگ سلام‌وطندار گه ایتیشیچه: «حاضرگی حکومت رسمی‌لری سوزلریده باشقه‌لرنی گپ‌لریگه قولاق توتمسلیک‌لرینی بیلدیره‌دیلر، بولر بوندی ایلگری کیتیش بیلن افغانستان نینگ کیله‌جگ‌نی خواطرلی قیله‌دیلر، افغانستان اهالی حکومت‌دن راضی ایمس و روانی خوفسیزلیک‌لری یوق، شو باعث کیله‌جگ‌ده مهاجرت کوپه‌ییب، افغانستان توپراق‌ده تروریزم قیته فعال بولیشی ممکن.»
سیاسی ایش بیلرمانلردن باشقه بیری میرویس آشفته سلام‌وطندار بیلن اوتکزگن صحبت‌لریده بوندی ایتگن که: «منطقه مملکت‌لری ناتینچ دیر و بیلمه‌یدی فقراسی حق‌لرینی نظرگه توتمه‌گن و عیاللر و قیزلرگه اوقیش همده ایش اوچون رخصت بیرمه‌گن بیر حکومت بیلن قندی علاقه قورسه‌لر.»
بوتوغریده اسلامی امارت حکومتی نینگ فکری نی آلیش ایسته‌دیک، بیراق کیین‌مه کیین قونقیراغ بیلن موفق بولمه‌دیک.