افغانستان ده خلق‌ارا ایش تشکیلاتی مسئوللری بوگون، «خلق‌ارا باله‌لر ایشی گه قرشی کوره‌ش کونی» مناسبتی بیلن بیر برنامه یولگه قوییب ایتیشلریچه، افغانستان ده سیاسی اوزگریشلر بیلن مذکور مملکت‌ده ایشچی باله‌لر سانی کوپه‌یگن.
افغانستان ده خلق‌ارا ایش تشکیلاتی مسئولی احمدسینا سباوون نینگ ایتیشیچه، عایله‌لر نینگ ایش‌سیزلیک و قشاق‌لیگی، اولرنی باله‌لری نینگ آز درآمدی گه محتاج قیلگن.
اونینگ کوپه‌یتیریشیچه: «باله‌لر نینگ ایشلش اساسی سببی، قشاق‌لیک و ایش‌سیزلیک دیر؛ چونکه عایله‌لر درآمدی تامین‌لنیشی اوچون منبع یوق. ۲۰۲۱-ییل سونگی احصائیه گه کوره، ۱.۰۶ میلیون ایشچی باله افغانستان ده بار. فکریمیزچه اوزگریشلر و چیکلاولردن کیین بو رقم نینگ کوپه‌یگنی ممکن.»
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، بیرلشگن ملتلر تشکیلاتی نینگ باله‌لردن حمایت قیلووچی صندیغی (یونیسف) نینگ باله‌لرنی حمایه قیلیش بوییچه متخصصی عبدالسمیع هاشمی نینگ ایتیشیچه، افغانستان قیشلاقلریده ایشچی باله‌لر سانی شهرلرگه قره‌گنده ایکی برابر دیر که کوپراق ایکینچیلیک بولیمی‌ده ایشلش بیلن شغللنگنلر.
اونینگ کوپه‌یتیریشیچه: «۲۰۲۳-ییلده ۱۹.۵۴۰ فایز باله آغیر ایشلر بیلن شغللنگن ایدی و اوشبو ایشچی باله‌لر قیشلاقلرده شهر گه قره‌گنده کوپ دیر. ۲۲.۳ فایز قیشلاق و ۱۰ فایز شهر‌لرده دیر.»
عبدالسمیع هاشمی گه کوره، یونیسف نینگ نظرسوره‌شلری اساسیده، ۴۴.۸ فایز ایشچی باله بیلن خوست نینگ اینگ کوپ، کابل و بدخشان ده ایسه ایشچی باله‌لر سانی آز بولگن ولایت‌لردن دیر.
لیکن افغانستان ده خلق‌ارا ایش تشکیلاتی باشلیغی رامین بهزاد نینگ ایتیشیچه، سونگی ایکی ییلده ایشچی باله‌لر سانی‌دن بیللی نظر سوره‌ش‌لری یوقلیگی، اقدام‌لر و اولر نینگ همکارلیک‌لری ارائه‌سی خصوصیده قیین‌چیلیکلر نی یره‌تگن.
اونینگ کوپه‌یتیریشیچه: «افغانستان ده ایشچی باله‌لر سانی کمه‌یشی اوچون تکنیکی یاردم‌لر ارائه قیله‌میز، اهالی آگاهی‌لیگی کوپه‌یشی و بونینگ حل بولیشی اوچون کوپینچه تعلیم‌لر یولگه قوییلگن که عایله‌لر باله‌لری نی مجبور قیلمه‌سینلر؛ ایشچی باله‌لر رقمی‌دن دقیق بیر آماری‌میز یوق.»
افغانستان ده خلق‌ارا ایش تشکیلاتی باشلیغی نینگ اورغولشیچه، اسلام امیرلیگی دولتی همکارلیگی بیلن برچه تشکیلات‌لر نینگ بیللی اقدم‌لری افغانستان ده باله‌لر ایشی گه قره‌ش کوره‌ش اوچون یگانه یول دیر.
بیزلرنینگ فیسبوک صحیفه‌میزگه باش اورینگ!
عین حالده، اسلام امیرلیگی سرپرست حکومت نینگ ایش و اجتماعی ایشلر وزیرلیگی سوزلاوچسی سمیع‌الله ابراهیمی نینگ ایتیشیچه، اوشبو وزیرلیک ییتیم و سرپرست باله‌لر عایله‌لری نینگ مالی حمایت قیلیش بیلن اولر گه تعلیم و تربیه فرصت‌لری نی یره‌تیش بیلن ایشچی باله‌لر سانی نینگ کمه‌یشی اوچون سعی‌وحرکت قیلماقده‌لر.
اونینگ کوپه‌یتیریشیچه: «افغانستان بویلب اون مینگ کیشی مسلکی ایشلر نی اورگه‌نیش اوچون مرکزلریمیز‌ده تعلیم بیلن شغللنگن. حاضر ایسه اوشبو باله‌لر نینگ ۳۰۰-۴۰۰ مینگ عایله‌سی هم آی‌ده حمایت بوله‌دی.»
افغانستان ده خلق‌ارا ایش تشکیلاتی مسئوللری نینگ آگاه‌لنتیریشیچه، دنیا بویلب ایشچی باله‌لر سانی کوپه‌یماقده دیر.
