مملکت سوو و برق وزیرلیگی نینگ سرپرستی عبداللطیف منصور بیلن اوچره‌‌شگن تورکیه‌لیک ۷۷ انشاآتی کمپنیه باشلیغی سلیمان جیلیو، افغانستان ده ۲۰۰ میگاوات شمال برقی ایشلب چیقریش اوستیده سرمایه یاتقیزیشیدن خبر بیرگن.
بیزلرنینگ فیسبوک صحیفه‌میزگه باش اورینگ!
مملکت سوو و برق وزیرلیگی، یک‌شنبه کونی، ۱۷ ثور، بیر بیانیه ترقه‌تیب ایتیشیچه، اوشبو اوچره‌شووده ایکی تامان برق ایشلب چیقریش پروژه‌لری اوستیده سرمایه یاتقیزیش اوچون قوشمه همکارلیک اوستیده بحث ایتگنلر.
سوو و برق وزیرلیگی نینگ بیانیه‌سی گه بناً، عبداللطیف منصور، برق ایشلب چیقریش بولیمیده سرمایه یاتقیزیش اوستیده تأکیدلب، تورکیه‌لیک ۷۷ انشاآتی کمپنیه باشلیغی گه اوشبو کمپنیه گه سرمایه یاتقیزیش گه زمینه یره‌تیشیدن ایشانچ بیرگن.
ایتیش کیره‌ک که، شمال دن ۲۰۰ میگاوات برق ایشلب چیقریش پروژه نینگ عملی ایشلری باشله‌نیشی اوچون حاضرگچه همکارلیک کیلیشونامه امضالنمه‌گن.
بیزلرنینگ توییترده هم تعقیب قیلینگ!
تورکیه‌لیک ۷۷ کمپنیه‌سی، بوندن آلدین هلمند «کجکی توغانی» نینگ ایکینچی فازینی ایشله‌گن ایدی.
حاضر، افغانستان نینگ ۷۰ فایز دن آرتیق برقی تاجیکستان، اوزبیکستان، تورکمنستان و ایران تامانیدن تأمینلنماقده دیر.