افغانستان نینگ بیرقطار منطقه‌لری اینیقسه شمال و شمال‌شرقی ولایت‌لری گه پاکستان‌لیک طالبلر تحریکی (تی‌تی‌پی) اعضالری کوچیریلیشی گه دایر خواطرلر دوامیده، ینگی‌لیکده فرهنگی وسیاسی فعاللر گروهی بیرلشگن ملت‌لر تشکیلاتی باش کاتبی آنتونیو گوترش گه مکتوب یوللب، مملکت نینگ شمال و شمال‌شرقی ولایت‌لری گه پاکستان‌لیک طالبلر تحریکی اعضالری کوچیریلیشی گه دایر خواطرلر و گزارش‌لر تیکشیریلیشینی سوره‌گنلر.
افغانستان تورک‌لری جماعه‌سی نماینده‌لیگیدن ترقه‌لگن اوشبو مکتوب، افغانستان اوزبیک_تورکمن سیاسی و فرهنگی فعاللری تامانیدن اجتماعی ترماق‌لرده کینگ عکس ایتتیریلگن، اوشبو مکتوب ده بیرلشگن ملت‌لر تشکیلاتی دن، پاکستان حکومتی و افغانستان نینگ حاضرگی حکومتی بیلن صحبت قیلیب و نتیجه‌سی یشاوچیلر بیلن شریک قیلینیشی سوره‌لگن.
بیزلرنینگ فیسبوک صحیفه‌میزگه باش اورینگ!
افغانستان تورک‌لری فعاللری نینگ ناراضی‌لیک اوشبو مکتوب بیشینچی ماده‌سیده، پاکستان‌لیک طالبلر تحریکی کوچیریلیش عاقبت‌لری اوستیده تأکید ایتیلگن: «یامان عاقبت‌لریدن آگاه‌لنتیریش گه قوشیمچه، مملکت ده حاکم گروه نینگ تبعیضلی سیاستی و مهاجرلر آتیده یاولر آلیب کیلینیب جای بیریلیشی برابری ده، مال‌وجان‌لریمیزدن مدافعه قیلیشنی قانونی حقی‌میز دیب و اونگه قرشی توخته‌‌یمیز.»
سیاسی فعال و اوشبو مکتوب نی ترقه‌تگنلردن بیری همایون خیری نینگ سلام‌وطندار گه ایتیشیچه، مملکت نینگ شمال و شمال‌شرقی ولایت‌لری گه پاکستان‌لیک طالبلر تحریکی کوچیریلیشی عملی بولگن تقدیرده، مذکور ولایت‌لرده‌گی اجتماعی تیزیم بوزیله‌دی.
او نینگ کوپه‌یتیریشیچه: «افغانستان ده بیر ملت شکللنماقچین بولسه، بو افغانستان ده ملت‌سازلیککه قرشی دیر، بو کبی قرارلر قومی اوروش‌لر گه سبب بوله‌دی.»
بیزلرنینگ توییترده هم تعقیب قیلینگ!
بوندن آلدین، پاکستان ایچکی ایشلر وزیری اسلام امیرلیگی حکومتی بیلن، پاکستان‌لیک طالبلر تحریکی اوشبو مملکت چیگره حدودلریدن افغانستان نینگ اوزاق منطقه‌لری گه کوچیریلیش اوچون کیلیشگن‌لرینی ایتگن ایدی، بیراق بو موضوع نی اسلام امیرلیگی سوزلاوچیسی ذبیح‌الله مجاهد بیر تور تصدیقله‌گندی، لیکن حاضر اسلام امیرلیگی افغانستان نینگ شمالی ولایت‌لری گه پاکستان‌لیک طالبلر تحریکی کوچیریلیشی گه دایر گزارش‌لرنی رد قیله‌دی.
اسلام امیرلیگی سوزلاوچیسی نینگ اورین باسرلریدن بلال کریمی، افغانستان نینگ قطار منطقه‌لری ده پاکستان‌لیک طالبلر تحریکی اعضالری کوچیریلیشی گه دایر سوال گه جواب سلام‌وطندار گه ایتیشیچه، اولر اوروش پیتیده منطقه‌لرینی ترک ایتگن مهاجرلر دیر.
اونگه کوره: «اوتگن ییل‌لرده تورلی منطقه‌لردن کوپ سانده یشاوچیلر اوروش و زوروانلیک طفیلی آواره بولگن ایدیلر و حاضر امنیت تأمینلنگنی اوچون، اوز منطقه‌لری گه قیتماقده‌لر.»
ایتیش کیره‌ک که، تخار ده ناتانیش کیشی‌لر نینگ حضوری و ییرلشیشی، یشاوچیلر نینگ اعتراضی گه سبب بولگن.