اسلامی امارت رهبری هبت‌الله آخوندزاده ییتکچیلیگیده قندهارده یولگه قوییلگن اسلامی امارت کابینه ییغینی، بوگون یکونلندی. مذکور ییغین اوچ کون دوام قیلگن ایدی.
اسلامی امارت سوزلاوچیسی ذبیح‌الله مجاهد بیر اعلامیه ترقه‌تیب ایتیشیچه، اوشبو ییغین‌ده، اسلامی امارت رهبری هبت‌الله آخوندزاده، وزیرلر و سرپرست حکومت مسئوللری گه اداره‌لر و تورلی شعبه‌لر ایشلری، اسلامی امارت نینگ کوچلنیشی، قیینچیلیکلر حلی و نظم و دیسپلین برقرار ایتیلیشی، توصیه‌لر و کیره‌کلی بویروغ‌لرنی صادر قیلگن دیر.
اعلامیه‌دن نقل قیلینیشیچه، اوشبو ییغین‌ده اسلامی امارت اداره‌لری نینگ اجرآت و قانون‌لری، اهالی بیلن تعامل، اقتصادی قیینچیلیکلر اوچون اساسی حل یول تاپیش، اسلامی امارت نینگ برچه مجاهد‌لری نینگ توپلب و اولر نینگ خوفسیزلیک اداره‌لرده تنظیم قیلیش حقیده قرار‌لر آلینیب و دولت ایشلرینی یخشی شکلده بجریش اوچون کیره‌کلی هدایت‌لر بیریلگن دیر.
بیزلرنینگ توییترده هم تعقیب قیلینگ!
اسلامی امارت رهبری مملکت‌ده اسلامی شریعت نینگ درست عملی بولیشی اوچون کابینه ییغینیده، تیگیشلی ارگان‌لر گه بیللی رهنمود‌لر نی ارایه قیلگنلر که اونینگ نتیجه‌سیده «اسلامی حکم‌لر جماعه‌ده یخشی و درست شکلده تطبیق بولیشی ممکن و افغان‌لردن قطاری اسلامی حکم‌لر آستیده، آرام و خوش حیات کیچیریشلری ممکن.»
اسلامی امارت کابینه ییغینیده ملا برادر ریاستی گه اقتصادی کمیسیون گه باش وزیر بیرینچی اورین باسری صفتیده مملکت اقتصادی نینگ ترقیاتی اوچون، ایچکی و تشقی سرمایه یاتقیزیشلری نی جلب قیلیشی گه ایش بیریلگن. عین حالده، برق تولیدی، سرک‌لر نینگ توزه‌تیلیشی و کان‌لر نینگ درست شکلده قازیب چیقاریش اوچون یول و بویوک و کیچیک اقتصادی برنامه‌لر و بوتون پروژه‌لر اوچون، آسایشته‌لیک ایجاد بولیشی کیره‌ک.
شونینگدیک اعلامیه‌ده کیلیشیچه، ریاست‌الوزرا ایکینچی اورین باسری مولو عبدالسلام حنفی ریاستی گه اداری کمیسیون موظف بولگن که اداری نظام‌لر نینگ اصلاح قیلیش و مالی و باشقه بولیم‌لرده قیینچیلیکلر نی اوچون لازم آدیم‌لر نی آلیب و اوندن کیین، رهبری رسمی‌لر بیلن شریک قیلسین‌لر.
بیزلرنینگ فیسبوک صحیفه‌میزگه باش اورینگ!
مخدره چلینگن معتاد‌لر نینگ توپلب و اولر نینگ تداوی قییلش، مملکت‌ده مخدره ماده نینگ ساتیش و آلینیشی‌دن توسیق بولیش، قورال، واسطه‌لر و باشقه دولتی نرسه‌لردن سقلیش زمینه‌سیده مسئوللر گه هدایت بیریلگن موارد‌لردن دیر.
اسلامی امارت رهبری نینگ اورغولشیچه، کوچی بولگن صورت‌ده افغانستان یشاوچیلری نینگ هر بیری گه معاش تعیین قیله‌دی؛ چونکه او ملتی نینگ قیین‌چیلیگی نی درک قیله‌دی، «بیراق اسلامی امارت حاضرگچه اقتصادی بولیم‌دن ضعیف دیر اهالی ایسه اوز تیزیمی بیلن همکارلیک قیلیشلری کیره‌ک.»
شونده‌ی بیرحالده، بوندن آلدین اوشبو ییغین نینگ یولگه قویلگنیدن مقصد، اسلامی امارت رسمی‌لری آره‌سیده‌گی ایچکی قیینچیلیکلر نی حل قیلیش و دنیا جماعه‌سی تامانیدن رسمیت گه تانیلیش مقصدیده سرپرست حکومت کابینه‌سیده اوزگریز ایجاد قیلیش دیلگن ایدی.
