اسلام امیرلیگی تامانیدن، افغانستانده ایچکی و خارجی مؤسسه‌لرده عیاللر ایشی توخته‌تیلیشی و بیلیم یورت‌لر ایشیگی قیزلر یوزیگه یاپیلیشی گه دایر مناسبت‌لر دوام ایتر ایکن، سعودی عربستان و پاکستان تشقی ایشلر وزیرلری، خاتین‌لر نینگ حقوقی تأمین ایتیلیشی اوستیگه تأکید ایتگنلر.
پاکستان تشقی ایشلر وزیرلیگی دوشنبه کونی، ۵ جدی، اوشبو مملکت تشقی ایشلر وزیری بلاول بوتو زرداری، عربستان‌لیک همکسبی شاهزاده فیصل بن فرحال آل‌سعود بیلن تیلیفونی سوزلشگنیدن خبر بیرگن.
بیزلرنینگ فیسبوک صحیفه‌میزگه باش اورینگ!
پاکستان تشقی ایشلر وزیرلیگی نینگ معلوماتی گه بناً، ایکی تامان افغانستانده دوام ایته‌یاتگن احوال اوستیده بحث ایتگنلر.
پاکستان تشقی ایشلر وزیرلیگی نینگ ایتیشیچه، بلاول بوتو زرداری و شاهزاده فیصل، برچه ساحه‌لرده افغان خاتین قیزلری نینگ حقوقی تأمین ایتیلیشی اوستیگه تأکید ایتیشگن.
بوندن آلدین سعودی عربستان، افغانستانده قیز اوقووچیلر نینگ تعلیمی توخته‌تیلیشینی قاره له‌گن ایدی.
عین‌حالده شنبه کیچه، ۳جدی، اقتصاد وزیرلیگی ترقه‌تگن مکتوبی ده، ایچکی و خارجی نادولتی مؤسسه‌لرده عیال ایشلاوچیلر نینگ ایشلرینی توخته‌تدی. اوشبو مکتوب ده کیلیشیچه، نادولتی مؤسسه‌لرده عیاللر تامانیدن اسلام امیرلیگی نینگ قانون_قاعده‌لری رعایت ایتیلمسلیگی خصوصیده کوپ شکایت‌لر بولگن.
بیزلرنینگ توییترده هم تعقیب قیلینگ!
اقتصاد وزیرلیگی مذکور مکتوبی ده، مسئولیتینی ادا قیلیش مقصدیده، ایچکی و خارجی نادولتی مؤسسه‌لر گه، کیینگی امرگچه عیال خادم‌لری نینگ ایشینی توخته‌تیش بویروغینی بیرگنینی ایتگن. مذکور وزیرلیک، اوشبو دستور برابریده بی‌فرق بولگن اداره‌لر نینگ فعالیت جوازی لغو بولیشیدن آگاه‌لنتیرگن.
نادولتی مؤسسه‌لرده خاتین‌لر نینگ ایشی توخته‌تیلیشی گه دایر اسلام امیرلیگی نینگ قراری، ایچکی و خلق‌ارا مناسبت‌لر گه روپه‌ره بولگن.