ساغلیق‌نی سقلش وزیرلیگی نینگ اعلام قیلیشیچه، افغانستان بیرینچی مرته عراققه بیرمیلیون ۸۰۰ مینگ بوتل سیروم صادر قیلگن.
مذکور وزیرلیک بوگون اوز اکس صحیفه‌سیده یازیشیچه، بو مقدار سیروم «شفا ملی فارماستیکل» سیروم ایشلب چیقرووچی کارخانه‌سی آرقه‌لی تولید بولگن.
بیزلرنینگ فیسبوک صحیفه‌میزگه باش اورینگ!
ساغلیق‌نی سقلش وزیرلیگی نینگ کوپه‌یتیریشیچه، عراققه صادر بولگن سیروم نینگ توپلم ارزشی، ۶۰۰مینگ دالر گه ییتیشه‌دی.
کابل شهری ده ۲۵ میلیون دالرلیک دارو و سیروم ایشلب چیقرووچی بیر ایشخانه ایش گه باشله‌گن. اوشبو دارو و سیروم ایشلب چیقرووچی ایشخانه مسئوللری نینگ ایتیشلریچه، مذکور ایشخانه ۲۴ ساعت‌ده ۱۱۰ مینگ سیروم ایشلب چیقره‌دی.
اوشبو ایشخانه مسئولی تواب‌جان غفوری نینگ ایتیشیچه، حاضر بو ایشخانه ۲۰ تور سیروم نی ایشلب چیقره‌دی و اینگ یقین کیله‌جکده ایسه دارو ایشلب چیقریش بولیمی‌ده هم فعالیت قیلیشی ممکن.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «۲۴ ساعت‌ده ۱۱۰ مینگ سیروم نی ایشلب چیقره‌میز و سیروم ایشلب چیقریلیشی ایسه ۲۰ تور گه ییتیشه‌دی و بیز افغانستان ده نیاز بولگن سیروم نینگ ایشلب چیقریشی‌میز ممکن.»
شونده‌ی بیرحالده، سوداگرلیک و صناعت وزیرلیگی مسئوللری نینگ ایتیشلریچه، افغانستان بوندن آلدین، نیازی بولگن سیروم نی باشقه مملکت‌لردن کیلتیره‌ر ایدی و حاضر ایسه باشقه مملکت‌لر افغانستان سیرومی نی قولگه کیلتیریش ایسته‌گنلر.
سوداگرلیک و صناعت وزیرلیگی معینی قدرت‌الله جمال، یشاوچیلردن افغانستان ده ایشلب چیقریله‌دیگن دارو‌لردن قوللنیشلری نی ایسته‌گن.
اونینگ ایتیشیچه: «افغانستان ده سیروم ایشلب چیقره‌دیگن باشقه نیچه شرکت نینگ فعالیتی بار و یمن، عراق و باشقه مملکت‌لر، افغانستان سیرومی‌دن قوللنیش ایسته‌یدیلر.»
بیزلرنینگ فیسبوک صحیفه‌میزگه باش اورینگ!
عین حالده، افغانستان آزیق-آوقات و دارو ملی اداره‌سی مسئوللری نینگ سلام‌وطندار گه ایتیشلریچه، حاضر ایسه مملکت بویلب دارو ایشلب چیقریش خصوصیده ۹۵ ایشخانه نینگ فعالیتی بار و شونینگدیک بو اداره افغانستان ده ایشلب چیقریله‌دیگن دارو‌لر نینگ باشقه مملکت‌لردن افغانستان گه وارد بولینیشی نی تقیقلنتیریش ایسته‌یدی.
آزیق-آوقات و دارو ملی اداره سوزلاوچیسی جاوید هژیر نینگ ایتیشیچه: «حاضر ایسه افغانستان ده دارو ایشلب چیقریله‌دیگن ۹۵ ایشخانه نینگ فعالیتی بار و افغانستان ده دارو ایشلب چیقریش بویوم‌لری نینگ ثبت و جواز بیریش پروسه‌سیده آیسایشته‌لیک‌لر کوپه‌یگن و افغانستان ده ایشلب چیقریله‌دیگن ۱۵ قلم دارو، ایشلب چیقریله‌دیگن ایش‌خانه‌لردن حمایت قیلینیش مقصدیده، اولر نینگ تشقی مملکت‌لردن وارد بولینیشی تقیق‌لنگن و شونینگدیک ایچکی تولید‌لر ظرفیتی ۱۵-۲۰ فایز کوپه‌یگن دیر.»
آزیق-آوقات و دارو ملی اداره‌‌سیده مسئوللر نینگ ایتیشلریچه، جاری ییل جریانیده افغانستان ده دارو ایشلب چیقره‌دیگن آلتی ایشخانه، فعالیت جوازی نی قولگه کیلتیرگن دیر.
