ینگی‌لیکده آمریکا جمهوررئیسی جوبایدن، حربی‌لری نی جاری میلادی ییل نینگ ۱۱- سپتامبر آیی گه قدر افغانستان دن چیقاریشی نی اعلام قیلدی، بیراق دوحه کیلیشوونامه‌سی اساسیده برچه آمریکالیک حربیلر بیرینچی می آی گچه افغانستان نی ترک قیلیش‌لری کیره‌ک ایدی.
شونده‌ی بیرحالده، سیاسی ایش بیلرمان‌لردن قطاری نینگ ایشانچ‌لریگه کوره، آمریکا افغانستان ده یالغیز سیاسی حضوری گه دوام بیره‌دی، نه حربی.
سیاسی ایش بیلرمان‌لردن بیری بسم‌الله رنجبر نینگ ایتیشیچه، حاضرگی وضعیت ده آمریکانینگ بوتون افغانستان ده ییر و هوا آرقه‌لی نظارتی بار و او افغانستان ده حربی حضور گه باشقه احتیاج کورمه‌یدی؛ بیراق روسیه و چین گه قرشی ژئوپولیتیک برنامه‌لری اوچون افغانستان نی ترک قیلمه‌یدی.
جناب رنجبر نینگ ایتیشیچه، آمریکا حکومتی چیقیش توغریسیده بیان قیلگن موضوعلرنی آمریکا ایچیده عامه فکرلری و طالبان فکرلری نینگ قانیقتیریش اوچون بولگن و شونینگدیک آمریکا حضوری طالبان گه حیثیتی بیر مسأله گه اوزگرگن.
جناب رنجبر گه کوره، آمریکا افغانستان نی ترک قیلیش بیلن، طالبان گه تینچلیک پروسه‌سیگه شرکت قیلمه‌سلیک اوچون، بیر بهانه قویمه‌یش نی ایسته‌یدی.
شونده‌ی بیرحالده، ایش بیلرمان‌لردن قطاری نینگ ایتیش‌لریچه، چیت‌ایللیک کوچلرنینگ افغانستان دن چیقیشی، تینچلیک سوزلشوولری نینگ ماهیتی نی اوزگرتیره‌دی.
سیاسی ایش بیلرمان طارق فرهادی نینگ ایتیشیچه، طالبان نینگ مذاکره میزی گه شرکت قیلیش اوچون بیر شرطی، آمریکالیک کوچلرنینگ بوتونلی چیقیشی ایدی و بو حربیلرنینگ چیقیشی بیلن طالبان نینگ کتته ایسته‌کلریدن بیری گه ییتیشه‌دی.
جناب فرهادی گه کوره، حاضر طالبان باشقه ایسته‌کلرینی مطرح قیلیشی کیره‌ک و اولرنینگ ایسته‌کلریدن باشقه بیری جناب غنی حکومتی نینگ استعفا بیریشی بولگن صورتده، کوپینچه باسیم‌لر بیلن غنی حکومتی هم استعفا بیریشی ممکن و طالبان نینگ افغانستان اهالیسی بیلن مذاکره قیلمه‌سلیگی اوچون باشقه هیچ بیر بهانه‌سی قالمه‌یدی.
اوشبو ایش بیلرمانلرنینگ ایشانچ‌لریگه کوره، افغانستان سیاستچی‌لری و رهبرلری افغانستان ده دایمی بیر تینچلیک تأمین‌لنیشی اوچون بیر بیراولری بیلن صحبت اوتکزیش‌لری کیره‌ک.