قاچقین‌لر وزیرلیگی مسئوللری، تهران بلدیه اۉرین باسری که افغانستان‌لیک قاچقین‌لرنی اخلاقی، اقتصادی و اجتماعی ماین دیگن بیاناتی گه مناسبت بیلدیریب ایتیشلریچه، تشقی مملکت‌لرده‌گی افغانستان‌لیک قاچقین‌لر هېچ بیر مملکت نینگ سیاسی و ایچکی ایشلری گه اره‌لشمه‌یدیلر.
قاچقین‌لر وزیرلیگی سۉزلاوچیسی عبدالمطلب حقانی سلام‌وطندار بیلن اۉتکزگن صحبتیده، ایران دولتی دن افغان قاچقین‌لری برابریده یومشاق‌لیکدن ایش آلیب و اولرنی اۉز اېستک‌لری اساسیده افغانستان گه قیتریشینی سۉره‌گن.
اونگه کوره: «برچه گه معلوم که افغانلر یشه‌یدیگن مملکت‌لریده هېچ بیر مملکت نینگ ایچکی و سیاسی ایشلری گه اره‌لشمه‌یدی، مهاجر بولیش سببی هم قیینچیلیک دیر، شونی اوچون ایران دولتیدن افغانستان‌لیک قاچقین‌لر برابریده یومشاق‌لیکدن ایش آلیب و اولر بیلن یامان یانده‌شمسلیگینی اېسته‌یمیز.»
بیزلرنینگ فیسبوک صحیفه‌میزگه باش اورینگ!
اۉتگن کون، تهران بلدیه اۉرین باسری و ری شهری قوماندانی مهدی باب‌الحوائجی، رسمی بیر ییغیلیش ده اوشبو مملکت ده تشقی فقرالر بیلن کوره‌شیشنی اوروش وقتیده کوره‌شیش کبی اته‌گن.
اونینگ کوپه‌یتیریشیچه: «بوگون‌لیک کونده تشقی فقرالر بیلن کوره‌شیش اوروش وقتیده کوره‌شیش کبی دیر، یشش اوی‌لریمیز اطرافی ده اخلاقی، اجتماعی و اقتصادی ماین ییرلشتیریلگن، بیرینچی ایشیمیز ایران ده‌گی فقرالر بیلن کوره‌شیش دیر.»
ایران اوشبو رسمی‌سی اۉز بیاناتی بیر بولیمیده ایش اېگه‌لری و اوی معامله قیلووچی دکان‌لری گه، ناقانونی قاچقین‌لر گه ایش همده تیریکچیلیک اوچون اوی بیرمسلیک بویروغینی بیرگن.
بیزلرنینگ «ایکس» ترماغی ده هم تعقیب قیلینگ!
ایتیش کېره‌ک، ایران ده‌گی ناقانونی قاچقین‌لر نینگ کتّه قسمینی افغانلر تشکیل بیره‌دی که افغانستان ده سیاسی اۉزگریش دن سۉنگ بو قاچقین‌لر نینگ سانی آرتگن.
برچه‌سی بیلن، ایران ده افغانستان‌لیک ناقانونی قاچقین‌لردن بیرقطاری اولر اوچون کونسه‌ین احوال یامانلشیب باره‌یاتگنیدن نالیدیلر.
ایران ده افغانستان‌لیک ناقانونی قاچقین‌لردن فیروز نینگ سلام‌وطندار گه ایتیشیچه: «ایران ده‌گی افغانستان‌لیک قاچقین‌لر کوپ قیین احوال ده یشه‌ماقده، پاسپورتی و اقامت کارتی بولگنلر قولگه آلینماقده، افغانلر کوپ ایشله‌یدی لېکن اۉرنیده آز پول آله‌دیلر، شکایت قیلسه‌لر پولیس گه تانیشتیریله‌دی.»
ایران ده افغانستان‌لیک ناقانونی قاچقین‌لردن باشقه بیری ذبیر گه کوره: «ایران ده‌گی افغانستان‌لیک قاچقین‌لر نینگ احوالی چتاق، حتا پاسپورتی بولگنلرنی هم آلیب قییناق‌له‌یدیلر، حقوق نی وقتیده بیریشمه‌یدی، یخشی پول بیرمه‌یدی، کسل بولسنگیز هم اعتبار بیرمه‌ی ایشلته‌دیلر.»
بوندن آلدین، ایران رسمی‌لری اوشبو مملکت ده آلتی میلیون دن کوپراق افغانستان‌لیک قاچقین بار و اولر نینگ کتَه قسمینی ناقانونی قاچقین‌لر تشکیل بیریشینی اېتگن اېدیلر.