افغانستان سرپرست حکومت احصائیه و معلومات ملی اداره‌سی، ۱۲-ثور، چهارشنبه کونی قویاش ۱۴۰۲-ییل ده افغانستان گه کېلیب کېتگن خارجی فقرالر نینگ سانینی شریک قیلدی.
اوشبو اداره نینگ معلوماتی اساسیده قویاش اۉتگن ییل ده افغانستان گه ۲۷ مینگ ۹۱۴ چیت ایل‌لیک نینگ کېلیب کېتگنی مملکت چېگره بندرلری و قونالغه‌لریده قید اېتیلگن.
بیزلرنینگ فیسبوک صحیفه‌میزگه باش اورینگ!
سرپرست حکومت احصائیه و معلومات ملی اداره‌سی گه کوره، اوشبو چیت ایل‌لیک‌لر سیاحت و ایش اوچون افغانستان گه کېلگنلر.
مذکور اداره سۉزلاوچیسی محمدحلیم رافع گه کوره: «قید اېتیلگن معلومات اساسیده اۉتگن ییل ده ۶۷۵ عیال شامل ۱۵ مینگ ۱۵۳ کیشی مملکت گه تشریف بویرگن و ۴۹۵ عیال شامل ۷۶۱ چیت ایل‌لیک فقرا مملکت نی ترک اېتگن.»
برچه‌سی بیلن، اقتصادی ایش بیلرمان ظاهر بهزاد، افغانستان گه خارجی فقرالر نینگ کېلیب کېتیشینی مملکت اقتصادی اونیمیگه بیلیب و بوتوغریده قولی‌لیک یره‌تیلیشی گه تاکید اېته‌دی.
بیزلرنینگ «ایکس» ترماغی ده هم تعقیب قیلینگ!
بهزاد جنابلری نینگ سلام‌وطندار گه ایتیشیچه: «افغانستان گه سرمایه یاتقیزیش یا که سیاحت اوچون خارجی فقرالر نینگ کېلیشی اونیملی دیر؛ چونکه اولر نینگ کېلیشی بیلن خارجی پول مملکت اقتصادی چرخه‌سی گه کېره‌دی و باشقه تاماندن افغانستان نینگ دنیا بیلن همکارلیگی کوپراق بوله‌دی.»
ایتیش کېره‌ک، ینگی‌لیکده آسوشیتدپرس آژانسی بیر گزارش ترقه‌تیب افغانستان ده چیت ایل‌لیک سیاح‌لر سانی کوپه‌یگن و میلادی ۲۰۲۳ ییل ده ۷۰۰ سیاح که اولر نینگ کوپینچه‌سی چین‌لیک دیر افغانستان گه تشریف بویرگنلر.