اوتگن کیچه ۲۲-سنبله غزنی ولایتی زنه‌خان تومنی نینگ «گدول» قیشلاغیده، ناتانیش کیشیلر بیر عیال بیلن تورت باله نی بیر قودوققه تشلگن و اوندن کیین، اولر نینگ اولیم‌لریدن مطمئن بولیش اوچون گاز بالونی نی آچیلیب و قودوق ایچیگه تشله‌گن.
غزنی معلومات و مدنیت ریاست نینگ معلومات آمری منصور افغان نینگ سلام‌وطندار گه ایتیشیچه، اوشبو واقعه اوتگن کیچه یوز بیرگن و اولگن کیشیلر نینگ جسد‌لری بوگون قودوق‌دن چیقریلگن.
کاپیسا امنیتی مسئوللری نینگ ایتیش‌لریچه، (پنج‌شنبه ۲۳- دلو) قوراللی کیشیلر مذکور ولایت مرکزی محمود راقی شهری نینگ «ریگ روان» قیشلاغیده بیر اویگه قورال و چاقو بیلن هجوم قیلیب و بیر اِیر و خاتین نی فرزندلری نینگ کوزینی برابریده چاقو و اوق آتیب اولدیرگن.
کاپیسا پولیس قومندانلیگی نینگ امنیت آمری محمدمعشوق کوهستانی بو خبرنی تصدیق‌لب سلام‌وطندارگه ایتیشیچه، حادثه عامللری بیر کیچه‌وکوندوز دن کیین هلاک ایتیلگن ایرکک نینگ ایناغه‌سیگه تلیفونی علاقه قوریب و بو موضوع نی بیان قیلگن.
جناب کوهستانی گه کوره، مذکور اِیر و خاتین نینگ اوچ فرزندی بار و بو پیتده مذکور باله‌لر هیچ اویدن چیقه آلمه‌گن و شونینگدیک هیچ کیم هم بو اویگه کیرمه‌گن.
کاپیسا پولیس قومندانلیک خوفسیزلیک آمری نینگ کوپه‌یتیریشیچه، پولیس بیر کیچه‌وکوندوز دن کیین اوتگن کیچه (جمعه ۲۴-دلو) ساعت ۷ اطرافیده مذکور جسدلرینی اوییدن قولگه کیلتیریب و بو عایله باله‌لری بیر کیچه‌وکوندوز آچ قارین بیلن آنه و آته‌لری نینگ جسدی نی یانیده اوتکزگن.
هلاک ایتیلگن ایرکک
کاپیسا پولیسی نینگ ایتیشیچه، مذکور حادثه عاملی هلاک بولگن عیال نینگ سابق نامزدی جان‌آغا ناملی بیر کیشی دیر. کاپیسا پولیسی نینگ کوپه‌یتیریشیچه، حادثه عاملی پروان ولایتی نینگ بگرام تومن یشاوچیسی دیر و اونینگ قولگه آلیش اوچون پولیس سعی و حرکت گه باشله‌گن.
عین‌حالده، کاپیسا مدنی فعاللری نینگ ایتیش‌لریچه، بو فاجعه‌لی بیر حادثه دیر و اونینگ عامللری قولگه آلینیشی اوچون جدی حرکت قیلینیشی کیره‌ک.
کاپیسا ولایتی نینگ مدنی جماعه‌چیلیک نهادلر مسئولی حشمت‌الله اسحاق‌زی نینگ ایتیشیچه، بیر اِیر و خاتین نی فرزندلری نینگ کوزینی برابریده اولدیریش کتته بیر فاجعه و جنایت دیر.
امنیتی منبعلرنینگ معلوماتی اساسیده، اوشبو باله‌لردن بیری سوت ییمه‌دیگن بیر باله دیر.
