قندوز ولایتی دشت‌ارچی تومنی‌ده ۱۰ میلیون‌دن آرتیق افغانی خره‌جت بیلن سوو ییتکزیش ایکی ترماق‌نینگ قوریلیش ایشی باشلنگن.
قندوز قیشلاق‌لرنی رواجلنتیریش و قیته قوریش ریاستی مسئوللری‌نینگ ایتیشلریچه، اوشبو سوو ییتکزیش ترماقلر مذکور ولایت دشت‌ارچی تومنی‌‌نینگ «سید‌اکبر باجوری و پیر‌محمد» قیشلاقلریده قوریلهدی.
بیزلرنینگ فیسبوک صحیفه‌میزگه باش اورینگ!
قندوز قیشلاق‌لرنی رواجلنتیریش و قیته قوریش ریاستی‌‌نینگ مسلکی انجنیری امین‌الله تنویر‌نینگ ایتیشیچه، اوشبو ترماقلرنینگ قوریلیشی بیلن ۲۰۰ عایله ایچیم‌لیک سوو بیلن تامین‌لنه‌دی.
اونینگ کوپه‌یتیریشیچه، مذکور سوو ییتکزیش ترماقلرنینگ قوریلیش ایشی «UNDP» موسسه‌سی‌نینگ مالی همکارلیگی بیلن باشلنگن.
امین‌الله تنویر‌گه کوره، بو لایحه ایکی قودوق‌نینگ قازیلیشی، اسفالت‌لنگن ایکی‌ته ذخیره‌نینگ قوریلیشی، اوی‌‌مه-اوی پایپ تارتیش و سولری سیستم‌نینگ قوریش‌دن عبارت دیر.
بیزلرنینگ «ایکس» ترماغی ده هم تعقیب قیلینگ!
ایتیلیشچه، بو لایحه‌نینگ عمل‌گه آشیریلیش جریانیده اونلب کیشی گه ایش زمینه‌سی یره‌تیلیشی ممکن.
قندوز قیشلاق‌لرنی رواجلنتیریش و قیته قوریش ریاستی، جاری قویاش ییل‌ده بیرقطار نهاد‌لر همکارلیگی‌‌ده اوشبو ولایت‌نینگ تورلی منطقه‌لریده اونلب سوو ییتکزیش ترماغی‌نی قورگن دیر.
